Ázerbaijan men Resei ushaq apatynyń saldaryn retteý boiynsha kelisimge keldi, dep habarlaidy Dalanews.kz.
Ázerbaijan men Resei Aqtaý mańynda apatqa ushyraǵan Embraer 190 ushaǵyna bailanysty máselelerdi, sonyń ishinde ótemaqy tóleý máselesin retteý jóninde kelisimge keldi. Eki eldiń syrtqy ister ministrlikteri birlesken málimdeme jasady.
Qujatta kelisim Ázerbaijan men Resei prezidentteriniń 2025 jylǵy 9 qazanda Dýshanbede ótken kezdesýinde qol jetkizilgen ýaǵdalastyqtarǵa sáikes júzege asqany aitylady.
Málimdemege sáikes "Ázerbaijan áýe joldary" kompaniiasyna tiesili Embraer 190 ushaǵy 2024 jylǵy 25 jeltoqsanda Aqtaý qalasy mańynda, Reseidiń áýe keńistiginde áýe qorǵanysy júiesiniń baiqaýsyz áreketi saldarynan apatqa ushyraǵan.
Taraptar osy oqiǵanyń saldaryn tiisti deńgeide retteýge, sonyń ishinde ótemaqy máselesin sheshýge kelisken.
Aita keteiik, 2024 jyly 25 jeltoqsanda Aqtaý mańynda Bakýden Groznyiǵa ushyp bara jatqan ushaq apatqa ushyrady.
