اقتاۋداعى ۇشاق اپاتى: ەزەربايجان مەن رەسەي ٶزارا كەلٸسٸمگە كەلدٸ

ەزەربايجان مەن رەسەي ۇشاق اپاتىنىڭ سالدارىن رەتتەۋ بويىنشا كەلٸسٸمگە كەلدٸ, دەپ حابارلايدى Dalanews.kz.

ەزەربايجان مەن رەسەي اقتاۋ ماڭىندا اپاتقا ۇشىراعان Embraer 190 ۇشاعىنا بايلانىستى مەسەلەلەردٸ, سونىڭ ٸشٸندە ٶتەماقى تٶلەۋ مەسەلەسٸن رەتتەۋ جٶنٸندە كەلٸسٸمگە كەلدٸ. ەكٸ ەلدٸڭ سىرتقى ٸستەر مينيسترلٸكتەرٸ بٸرلەسكەن مەلٸمدەمە جاسادى.

قۇجاتتا كەلٸسٸم ەزەربايجان مەن رەسەي پرەزيدەنتتەرٸنٸڭ 2025 جىلعى 9 قازاندا دۋشانبەدە ٶتكەن كەزدەسۋٸندە قول جەتكٸزٸلگەن ۋاعدالاستىقتارعا سەيكەس جٷزەگە اسقانى ايتىلادى.

مەلٸمدەمەگە سەيكەس "ەزەربايجان ەۋە جولدارى" كومپانيياسىنا تيەسٸلٸ Embraer 190 ۇشاعى 2024 جىلعى 25 جەلتوقساندا اقتاۋ قالاسى ماڭىندا, رەسەيدٸڭ ەۋە كەڭٸستٸگٸندە ەۋە قورعانىسى جٷيەسٸنٸڭ بايقاۋسىز ەرەكەتٸ سالدارىنان اپاتقا ۇشىراعان.

تاراپتار وسى وقيعانىڭ سالدارىن تيٸستٸ دەڭگەيدە رەتتەۋگە, سونىڭ ٸشٸندە ٶتەماقى مەسەلەسٸن شەشۋگە كەلٸسكەن.

ايتا كەتەيٸك, 2024 جىلى 25 جەلتوقساندا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى.