قازاقستان باس كٶلٸك پروكۋراتۋراسى اقتاۋ ماڭىندا اپاتقا ۇشىراعان Embraer 190 ۇشاعى ۇشقىشتارىنىڭ ديسپەتچەرلەرمەن جاساعان كەلٸسسٶزدەرٸنە قاتىستى پٸكٸر بٸلدٸرۋدەن باس تارتتى, دەپ حابارلايدى Dalanews.kz كۋرسيۆكە سٸلتەپ.
ايتا كەتەيٸك, رەسەيلٸك Baza باسىلىمى اقتاۋدا قۇلاعان ۇشاقتىڭ قارا جەشٸگٸنەن تابىلعان جازبانى جارييا ەتكەن. قازاقستان باس پروكۋراتۋراسىنىڭ حابارلاۋىنشا, اقپاراتتى رەسەي تاراپى تاراتقان. قازاقستان تاراپى اقپاراتتى راستاپ نەمەسە جوققا شىعارا المايدى.
ەسكە سالايىق, بۇعان دەيٸن اقتاۋدا اپاتقا ۇشىراعان ۇشاقتىڭ ۇشقىشتار مەن ديسپەتچەردٸڭ نە جايلى سٶيلەسكەنٸ بەلگٸلٸ بولعان ەدٸ. رەسەيلٸك Baza تەلەگرام ارناسى اقتاۋ ماڭىندا اپاتقا ۇشىراعان Embraer-190 ۇشاعىنىڭ ۇشقىشتارى مەن ديسپەتچەرلەردٸڭ نە تۋرالى سٶيلەسكەنٸن جارييالادى. جازبادان گروزنىيعا دا, ماحاچكالاعا دا قونباي, ارتىنان باكۋعا ۇشىپ, اقىرى اقتاۋعا قونۋ تۋرالى شەشٸمدٸ AZAL ەكيپاجى ٶزٸ قابىلداعانىن اڭعارۋعا بولادى.
ستەنوگراممادان سونداي-اق ۇشاق بورتىندا وتتەگٸ باللونىنىڭ جارىلۋى مەن قوزعالتقىشقا قۇس تٷسۋٸ تۋرالى نۇسقالاردى ەكيپاج مٷشەلەرٸ ايتقانىن تٷسٸنۋگە بولادى.
Baza دەرەككٶزدەرٸ كٸم ەكەنٸن ايتپاعان. رەسمي تٷردە جازبانىڭ شىنايىلىعى مەن تولىقتىعى دا راستالماعان.
