Adılá Túgel, AQSH, Húston, Tehas shtaty.[/caption]
Jaqynda Úndistanǵa barǵan saparynda AQSH Prezıdenti Barak Obama CNN-ge suhbat berdi. Óz sózinde ol Reseı Prezıdentin qatty synǵa alyp, AQSH pen Reseıdiń ári qaraıǵy áriptestigi qalaı órbıtinin aıtyp berdi.
«Amerıkanyń Reseıge baǵyttalǵan ekonomıkalyq qysymy nátıje berdi, biraq Ýkraınadaǵy daǵdarysty toqtata almady ǵoı?» degen jýrnalıser saýalyna Barak «ıá» dep jaýap berdi.
– Men Aq úıge kelgen kezeńdi eske túsireıikshi. Ol kezde eki eldiń arasyndaǵy qarym-qatyns óliara shaqta turǵan. Biraq biz, birinshi kezekte ózimiz qulyq tanytyp Medvedev myrzamen áriptestik ornattyq. Osynyń arqasynda Reseı ekonomıkasy ósti, damydy. Reseı Eýropa elderimen aradaǵy áriptestikti nyqtap, bizdiń qoldaýymyzdyń nátıjesinde DSU-ǵa endi, – dedi Obama. Alaıda keıinnen Qyrymdy tartyp alyp, Ýkraınaǵa tumsyq tyqqan Pýtınniń áreketi álemdik halyqaralyq quqyqty tabanǵa taptady.
Obama: AQSH pen Reseıdiń arasynda ot tutanyp, áskerı qaqtyǵys ornasa bul kúlli álemge qaýipti. Dál qazir bizdiń qolymyzdan keleri, Reseımen irgeles jatqan NATO músheleriniń shekara shebin kúsheıtý. HHİ ǵasyrda bir eldiń bir elge basyp kirýi túkke turmaıtynyn biz Kremldiń áreketine qarap kóz jetkizip otyrmyz. Al uıym músheligindegi elderge qaýip tónip, shekarasy buzylar bolsa, biz 5-shi bapqa saı áskerı sharalar qoldanatyn bolamyz.
– Bul Reseıdi dıplomatıalyq turǵydan oqshaýlap, Eýropamen aradaǵy iskerlik baılanystarǵa núkte qoıdy. Sanksıa olardyń onsyz da álsiz ekonomıkasyna keri áser etip otyr. Qazirgi kúni Reseıdiń ekonomıkasyna jaǵymdy áser etetin eshqandaı qosymsha faktordy kórip turǵan joqpyn. Qyrym paıda ákelmedi, kerisinshe Reseıdi qurdymǵa tartyp barady. Ózge eldiń jerin basyp alyp, sýper ımperıa atanatyn dáýir kelmeske ketken. Qazirgi memleketter bilim deńgeıi, eksporttyq jáne ınovasıalyq kórsetkishi jaǵynan baǵalanady. Al onyń (Pýtınniń) qazirgi strategıasynda munyń birde-biri joq.
Obamanyń pikirinshe, Ýkraına NATO múshesi emes, sol sebepti AQSH Reseıdi áskerdiń kúshimen toqtata almaıdy. Osy sebepti Reseıdiń ozbyrlyǵyn tizgindeýge baǵyttalǵan ekonomıkalyq qysym aldaǵy ýaqytta arta túspek.
– AQSH pen Reseıdiń arasynda ot tutanyp, áskerı qaqtyǵys ornasa bul kúlli álemge qaýipti. Dál qazir bizdiń qolymyzdan keleri, Reseımen irgeles jatqan NATO músheleriniń shekara shebin kúsheıtý. HHİ ǵasyrda bir eldiń bir elge basyp kirýi túkke turmaıtynyn biz Kremldiń áreketine qarap kóz jetkizip otyrmyz. Al uıym músheligindegi elderge qaýip tónip, shekarasy buzylar bolsa, biz 5-shi bapqa saı áskerı sharalar qoldanatyn bolamyz.
Pýtın kelisimge kelýge ázir me?
[caption id="attachment_9085" align="alignright" width="421"]
Obama: Pýtın alǵa jyljýdyń ornyna, keıin ketip barady.[/caption]
Bul saýalǵa Obama Pýtınniń sózi men isi qabyspaıtynyn, onyń halyq aldynda ózin basqasha ustaıtynyn aıtty. AQSH Prezıdentiniń pikirinshe, Ýkraınadaǵy separatısterdi Máskeý qarjylandyryp otyr, olardyń soǵys júrgizý strategıasy tikeleı Reseı baqylaýynda, sonymen qatar búlikshilerdi myńdaǵan reseılik ásker qoldaýda.
– Sondyqtan ázir biz Máskeýdiń kelisimge keletin syńaıyn baıqap otyrǵan joqpyz. Óz tarapymyzdan biz ýkraın ekonomıkasyn qoldaýdy jalǵastyratyn bolamyz. Prezıdent Poroshenko jáne Premer-mınıstr Iasenúk ekonomıkaǵa serpin beretin birqatar reformalardy júzege asyrdy. Sondyqtan aldaǵy ýaqytta biz ekonomıkalyq ári dıplomatıalyq qysymdy arttyra túsemiz, ári Kıevti de kúsheıte túsýdi umytpaımyz.
Pýtın memlekettiń qaramaǵyndaǵy BAQ-tyń kómegimen óz reıtıńin kóterý úshin janyn saldy. Onyń qolynan keleri osy. Onyń saıasaty da osymen shekteledi. Ol ekinshi qaıtara saılaýǵa túskende Batysqa qarsy kózqarasyn kilt ózgertti. Ol kezde onyń yqpaly búgingiden kóp tómen-tuǵyn. Máskeýde myńdaǵan, on myńdaǵan adam alańǵa shyqty. Onyń saıası kózqarasy ózgergen kez osy tus. Sondyqtan da búgingi Pýtın alǵa jyljýdyń ornyna, keıin ketip barady, – dedi óz sózinde Obama. Alaıda suhbattyń sońynda «sypaıylyq tanytyp» aldaǵy ýaqytta Pýtınniń «aqyly kirip», Kremldiń baǵyty ózgererine senim bildirdi.
