2025 jylǵy 11 tamyzda Bank TsentrKredit (BTsK) Qazaqstannyń bank sektorynyń qarjylyq turaqtylyǵyn arttyrý baǵdarlamasy aiasynda memleketten alynǵan 30 mlrd teńgeni merziminen buryn qaitardy, dep habarlaidy Dalanews.kz.
BTsK 2017 jyly ekinshi deńgeili bankter arasynda eń az memlekettik qoldaý alǵan bankterdiń biri boldy – 60 mlrd teńge, bastapqy qaitarý merzimi 2032 jylǵy qarasha aiyna deiin belgilengen edi.
Qarajat úsh kezeńde bólip qaitaryldy:
- 2024 jylǵy jeltoqsanda – 20 mlrd teńge,
- 2025 jylǵy sáýirde – 10 mlrd teńge,
- 2025 jylǵy tamyzda – 30 mlrd teńge.
Aita ketsek, Bank TsentrKredittegi Baqytbek Baiseiitovtyń úlesi 2025 jyldyń II toqsanynda 51,76%-ǵa deiin ulǵaidy. Bul ózgerister bank aktsiialaryn keri satyp alý esebinen júrgizildi.
Qazaqstan qor birjasynyń málimetinshe, shilde aiynda Baiseiitovtyń úlesi sáýir aiynyń basymen salystyrǵanda 48,47%-dan 51,76%-ǵa deiin ósken. Alaida onyń ieligindegi aktsiialardyń sany ózgermegen – 91,1 mln dana. Sonymen qatar, banktiń ekinshi iri aktsioneri Vladislav Lidiń úlesi de 11,16%-dan 11,92%-ǵa deiin artty.
Buǵan deiin Bank TsentrKredit 2017 jyly memleketten alǵan kómek aqshany merziminen buryn japqaly jatqanyn jazǵanbyz. Sondai-aq saitymyzda "Ókirtip tabys tapsa da memleketten alǵan qaryzyn qaitarmai júrgen qai bankter" degen maqala jariialanǵan bolatyn.
