2025 جىلعى 11 تامىزدا بانك تسەنتركرەديت (بتسك) قازاقستاننىڭ بانك سەكتورىنىڭ قارجىلىق تۇراقتىلىعىن ارتتىرۋ باعدارلاماسى اياسىندا مەملەكەتتەن الىنعان 30 ملرد تەڭگەنٸ مەرزٸمٸنەن بۇرىن قايتاردى, دەپ حابارلايدى Dalanews.kz.
بتسك 2017 جىلى ەكٸنشٸ دەڭگەيلٸ بانكتەر اراسىندا ەڭ از مەملەكەتتٸك قولداۋ العان بانكتەردٸڭ بٸرٸ بولدى – 60 ملرد تەڭگە, باستاپقى قايتارۋ مەرزٸمٸ 2032 جىلعى قاراشا ايىنا دەيٸن بەلگٸلەنگەن ەدٸ.
قاراجات ٷش كەزەڭدە بٶلٸپ قايتارىلدى:
- 2024 جىلعى جەلتوقساندا – 20 ملرد تەڭگە,
- 2025 جىلعى سەۋٸردە – 10 ملرد تەڭگە,
- 2025 جىلعى تامىزدا – 30 ملرد تەڭگە.
ايتا كەتسەك, بانك تسەنتركرەديتتەگٸ باقىتبەك بايسەيٸتوۆتىڭ ٷلەسٸ 2025 جىلدىڭ II توقسانىندا 51,76%-عا دەيٸن ۇلعايدى. بۇل ٶزگەرٸستەر بانك اكتسييالارىن كەرٸ ساتىپ الۋ ەسەبٸنەن جٷرگٸزٸلدٸ.
قازاقستان قور بيرجاسىنىڭ مەلٸمەتٸنشە, شٸلدە ايىندا بايسەيٸتوۆتىڭ ٷلەسٸ سەۋٸر ايىنىڭ باسىمەن سالىستىرعاندا 48,47%-دان 51,76%-عا دەيٸن ٶسكەن. الايدا ونىڭ يەلٸگٸندەگٸ اكتسييالاردىڭ سانى ٶزگەرمەگەن – 91,1 ملن دانا. سونىمەن قاتار, بانكتٸڭ ەكٸنشٸ ٸرٸ اكتسيونەرٸ ۆلاديسلاۆ ليدٸڭ ٷلەسٸ دە 11,16%-دان 11,92%-عا دەيٸن ارتتى.
بۇعان دەيٸن بانك تسەنتركرەديت 2017 جىلى مەملەكەتتەن العان كٶمەك اقشانى مەرزٸمٸنەن بۇرىن جاپقالى جاتقانىن جازعانبىز. سونداي-اق سايتىمىزدا "ٶكٸرتٸپ تابىس تاپسا دا مەملەكەتتەن العان قارىزىن قايتارماي جٷرگەن قاي بانكتەر" دەگەن ماقالا جارييالانعان بولاتىن.
