Balqash qalasynda jańa mys qorytý zaýyty salynyp, 1200 turaqty jumys orny ashylady, dep habarlaidy dalanews.kz.
Úkimet Ónerkásip jáne qurylys ministrligi men Qazaq Smelter JShS arasyndaǵy mys qorytý zaýytyn salý jobasy boiynsha investitsiialar týraly kelisimdi maquldady. Tiisti qaýlyǵa premer-ministr Oljas Bektenov qol qoidy. Jańa óndiris Qaraǵandy oblysynyń Balqash qalasynda júzege asady.
Jeke investitsiialardyń jalpy kólemi - 750 mlrd teńge. Kásipornynyń qurylysy 2027 jyly bastalady, 2030 jyly paidalanýǵa berý josparlanǵan.
Zaýyttyń óndiristik qýaty jylyna 300 myń tonna katodty mys, 10 tonna altyn, 300 tonna kúmis jáne 1,5 mln tonnadan asa kúkirt qyshqylyn óndirýge qaýqarly. Joba 1,2 myńǵa jýyq turaqty jumys ornyn ashýdy kózdep otyr.
Aita keteiik, katodty mys - qosylǵan quny joǵary ónim shyǵarýda negizgi shikizat. Ol elektr kabelderi men jabdyqtaryn, qubyrlardy, qurylys materialdaryn, avtomobil bólshekterin, sondai-aq, qola, jez jáne basqa da mys qorytpalaryn óndirýde qoldanylady.
