بالقاش قالاسىندا جاڭا مىس قورىتۋ زاۋىتى سالىنىپ, 1200 تۇراقتى جۇمىس ورنى اشىلادى, دەپ حابارلايدى dalanews.kz.
ٷكٸمەت ٶنەركەسٸپ جەنە قۇرىلىس مينيسترلٸگٸ مەن Qazaq Smelter جشس اراسىنداعى مىس قورىتۋ زاۋىتىن سالۋ جوباسى بويىنشا ينۆەستيتسييالار تۋرالى كەلٸسٸمدٸ ماقۇلدادى. تيٸستٸ قاۋلىعا پرەمەر-مينيستر ولجاس بەكتەنوۆ قول قويدى. جاڭا ٶندٸرٸس قاراعاندى وبلىسىنىڭ بالقاش قالاسىندا جٷزەگە اسادى.
جەكە ينۆەستيتسييالاردىڭ جالپى كٶلەمٸ - 750 ملرد تەڭگە. كەسٸپورنىنىڭ قۇرىلىسى 2027 جىلى باستالادى, 2030 جىلى پايدالانۋعا بەرۋ جوسپارلانعان.
زاۋىتتىڭ ٶندٸرٸستٸك قۋاتى جىلىنا 300 مىڭ توننا كاتودتى مىس, 10 توننا التىن, 300 توننا كٷمٸس جەنە 1,5 ملن توننادان اسا كٷكٸرت قىشقىلىن ٶندٸرۋگە قاۋقارلى. جوبا 1,2 مىڭعا جۋىق تۇراقتى جۇمىس ورنىن اشۋدى كٶزدەپ وتىر.
ايتا كەتەيٸك, كاتودتى مىس - قوسىلعان قۇنى جوعارى ٶنٸم شىعارۋدا نەگٸزگٸ شيكٸزات. ول ەلەكتر كابەلدەرٸ مەن جابدىقتارىن, قۇبىرلاردى, قۇرىلىس ماتەريالدارىن, اۆتوموبيل بٶلشەكتەرٸن, سونداي-اق, قولا, جەز جەنە باسقا دا مىس قورىتپالارىن ٶندٸرۋدە قولدانىلادى.
