Balqashtan bastap Kegenge deiin gaz tartamyz – Batalov
Tek oblys ortalyǵynda 2020 jyly gazǵa 16 myń abonent qosyldy. Bul týraly Almaty oblysynyń ákimi Amandyq Batalov halyqqa esep berý kezdesýinde aitty.
"Taldyqorǵanda IV kezek aiaqtaldy, ótken jyly biz jumysty kúsheitip, bir jyl ishinde 16 myń abonentti qostyq. Barlyǵy 54 myńnyń 22 myńy qosylǵan. Biylǵy jyly da osyndai qarqynmen jalǵastyrý kerek.
Balqash, Qaratal, Kerbulaq, Kóksý, Eskeldi aýdandary men Tekeli qalasynyń oramishilik jelileri salynýda. Aqsý, Sarqan, Alakól, Raiymbek jáne Kegen aýdandaryn qamtityn "Taldyqorǵan - Úsharal" jáne "Shelek - Kegen" magistraldyq gaz qubyrlarynyń qurylysy boiynsha jobalyq-smetalyq qujatty ázirleý aiaqtalýda.
Qurylysty kelesi jyldan bastaý josparlanýda jáne 2025 jylǵa qarai gazdandyrý deńgeii 76% - ǵa deiin jetkiziledi, kógildir otynǵa 1,5 mln.adam qol jetkize alady", - dedi Amandyq Batalov.
Aita ketý kerek, 2018 jyldan bastap óńirde shaǵyn qalalarda kóp qabatty turǵyn úilerdi gazben bloktyq-modýldik qazandyqtardy ornatý arqyly avtonomdy jylytý júiesimen qamtamasyz etý máselesi sheshilýde.
