Eki márte densaýlyq ministri bolǵan eks-sheneýnik Jaqsylyq Dosqaliev Adal adam Youtube-arnasyna bergen suhbatynda shetelge ketken qazaq balalarynyń baqytyn bailaýǵa bolmaitynyn aitady, - dep habarlaidy Dalanews.kz.
Jýrnalist keibir qazaqstandyqtar balalar úiinen bala asyrap alǵysy kelgen kezde dárigerler búldirshinderdiń aýrý baryn aitqanyn jetkizdi. BAQ ókili "bul sheteldikterge bala asyrap alý úshin jaǵdai jasaityn qiturqylyq emes pe?" degen saýal qoidy.
"Balanyń deni saý bolsa, deni saý dep beredi. Saý emes bolsa, saý emes dep beredi. Zertteý jasaidy. Bes tiyn beredi eken dep diagnozyn ózgertpeidi. Onyń kitapshasy bar ǵoi, sol jerde diagnozy bolady. ...Sondyqtan ol ońai saýda emes (bala saýdasy - esk.). ...Bir nárseni aitaiyn, taǵy da Amerikaǵa júgineiikshi. Ózim kórmegen nárseni aita almaimyn. Olar aýrý balalardy alyp, emdep, osy qoǵamǵa kirgizip jáne ári qarai bilimin berip, osy qoǵamda ómir súre alatyn jaǵdaiǵa jetkizip otyr. Bizdiń balalar úii ondai nárselerdi jasai almaidy. Sal aýrýymen emdeitin ortalyq bolǵanymen, tolyq emdelip ketetin jaǵdailar joq. Sonyń qarajatyn - bárin tólep, jasap otyr ǵoi. Eger mundai jaǵdai bolsa, balanyń baqytyn bailaýǵa bolmaidy dep sanaimyn", - dedi ol.
