ەكٸ مەرتە دەنساۋلىق مينيسترٸ بولعان ەكس-شەنەۋنٸك جاقسىلىق دوسقاليەۆ Adal adam Youtube-ارناسىنا بەرگەن سۇحباتىندا شەتەلگە كەتكەن قازاق بالالارىنىڭ باقىتىن بايلاۋعا بولمايتىنىن ايتادى, - دەپ حابارلايدى Dalanews.kz.
جۋرناليست كەيبٸر قازاقستاندىقتار بالالار ٷيٸنەن بالا اسىراپ العىسى كەلگەن كەزدە دەرٸگەرلەر بٷلدٸرشٸندەردٸڭ اۋرۋ بارىن ايتقانىن جەتكٸزدٸ. باق ٶكٸلٸ "بۇل شەتەلدٸكتەرگە بالا اسىراپ الۋ ٷشٸن جاعداي جاسايتىن قيتۇرقىلىق ەمەس پە?" دەگەن ساۋال قويدى.
"بالانىڭ دەنٸ ساۋ بولسا, دەنٸ ساۋ دەپ بەرەدٸ. ساۋ ەمەس بولسا, ساۋ ەمەس دەپ بەرەدٸ. زەرتتەۋ جاسايدى. بەس تيىن بەرەدٸ ەكەن دەپ دياگنوزىن ٶزگەرتپەيدٸ. ونىڭ كٸتاپشاسى بار عوي, سول جەردە دياگنوزى بولادى. ...سوندىقتان ول وڭاي ساۋدا ەمەس (بالا ساۋداسى - ەسك.). ...بٸر نەرسەنٸ ايتايىن, تاعى دا امەريكاعا جٷگٸنەيٸكشٸ. ٶزٸم كٶرمەگەن نەرسەنٸ ايتا المايمىن. ولار اۋرۋ بالالاردى الىپ, ەمدەپ, وسى قوعامعا كٸرگٸزٸپ جەنە ەرٸ قاراي بٸلٸمٸن بەرٸپ, وسى قوعامدا ٶمٸر سٷرە الاتىن جاعدايعا جەتكٸزٸپ وتىر. بٸزدٸڭ بالالار ٷيٸ ونداي نەرسەلەردٸ جاساي المايدى. سال اۋرۋىمەن ەمدەيتٸن ورتالىق بولعانىمەن, تولىق ەمدەلٸپ كەتەتٸن جاعدايلار جوق. سونىڭ قاراجاتىن - بەرٸن تٶلەپ, جاساپ وتىر عوي. ەگەر مۇنداي جاعداي بولسا, بالانىڭ باقىتىن بايلاۋعا بولمايدى دەپ سانايمىن", - دەدٸ ول.
