Qysqa nusqa aıtalyq. Dımashtyń ata-anasy da óner adamdary. Qanat pen Svetlana Aıtbaevtardy búgin jastar bilmeýi múmkin, biraq aǵa-apalarymyz jaqsy tanıdy. Dımash alǵash sahnaǵa spektal keıipkeri retinde shyqqan.
Bes jasynda fortepıanoda oınap úırengen. Dál osy jasynda án aıta bastaıdy. Al 6 jasynda "Aınalaıyn" baıqaýynyń laýreaty atanady. 10 jasynda oblystaǵy túrli sharalardy júrgize bastaıdy.
"Úıimizde pıanıno bolatyn. Dımash, osymen daıyndalatyn. Kóship-qonǵan kezde pıanınonyń daýsy buzylyp qalatyn. Dybysyn qalpyna keltirý úshin maman shaqyratynbyz...
Osylaı kóship-qonyp júrgen kezimizde pıanınomyzdyń daýsy taǵy buzylyp qaldy. Iá, tyńdaǵan kezde baıqalmaıtyn. Biraq, kásibı mýzykanttar aspaptyń búlingenin birden ańǵaryp qoıýshy edi. Al Dımash dál osy aspapta daıyndalǵan...
Bir kúni stýdıadaǵy sabaq ústinde Dımash ustazǵa kelip: "Úıimdegi pıanınonyń dybysy maǵan múldem unamaıdy" depti. Ol kezde bar bolǵany 5 jasta edi! 5 jasynda aspaptyń dybysy durys emes ekendigin ańǵaryp qoıǵan", – deıdi Dımashtyń anasy Svetlana Aıtbaeva.
I Am a Singer baıqaýynyń úshinshi kezeńi kelesi aptada bastalady.
