قىسقا نۇسقا ايتالىق. ديماشتىڭ اتا-اناسى دا ونەر ادامدارى. قانات پەن سۆەتلانا ايتبايەۆتاردى بۇگىن جاستار بىلمەۋى مۇمكىن، ءبىراق اعا-اپالارىمىز جاقسى تانيدى. ديماش العاش ساحناعا سپەكتال كەيىپكەرى رەتىندە شىققان.
بەس جاسىندا فورتەپيانودا ويناپ ۇيرەنگەن. ءدال وسى جاسىندا ءان ايتا باستايدى. ال 6 جاسىندا "اينالايىن" بايقاۋىنىڭ لاۋرەاتى اتانادى. 10 جاسىندا وبلىستاعى ءتۇرلى شارالاردى جۇرگىزە باستايدى.
"ۇيىمىزدە پيانينو بولاتىن. ديماش، وسىمەن دايىندالاتىن. كوشىپ-قونعان كەزدە پيانينونىڭ داۋسى بۇزىلىپ قالاتىن. دىبىسىن قالپىنا كەلتىرۋ ءۇشىن مامان شاقىراتىنبىز...
وسىلاي كوشىپ-قونىپ جۇرگەن كەزىمىزدە پيانينومىزدىڭ داۋسى تاعى بۇزىلىپ قالدى. ءيا، تىڭداعان كەزدە بايقالمايتىن. ءبىراق، كاسىبي مۋزىكانتتار اسپاپتىڭ بۇلىنگەنىن بىردەن اڭعارىپ قويۋشى ەدى. ال ديماش ءدال وسى اسپاپتا دايىندالعان...
ءبىر كۇنى ستۋدياداعى ساباق ۇستىندە ديماش ۇستازعا كەلىپ: "ۇيىمدەگى پيانينونىڭ دىبىسى ماعان مۇلدەم ۇنامايدى" دەپتى. ول كەزدە بار بولعانى 5 جاستا ەدى! 5 جاسىندا اسپاپتىڭ دىبىسى دۇرىس ەمەس ەكەندىگىن اڭعارىپ قويعان"، – دەيدى ديماشتىڭ اناسى سۆەتلانا ايتبايەۆا.
I Am a Singer بايقاۋىنىڭ ءۇشىنشى كەزەڭى كەلەسى اپتادا باستالادى.
