Búgin Halyqaralyq balalardy qorǵaý kúninde oblys ákimi Murat Ergeshbaev, QR Parlamenti Senaty men Májilisiniń depýtattary Rýslan Rústemov, Marhabat Jaiymbetov, ziialy qaýym ókilderi men el aǵalary Memleket basshysynyń qoldaýymen salynǵan Botanikalyq baqtyń ashylý rásimine qatysty, dep habarlaidy dalanews.kz.
Mereke kúni jetkinshekterge tartý etilgen Botanikalyq baq Prezident saiabaǵy aýmaǵynda ornalasqan. Bas merdiger - «Alem Qurylys AQ» JShS. Qurylysyna 4,9 mlrd teńge bólingen, nysannyń irgetasy byltyr qyrkúiek aiynda sol kezdegi aimaq basshysy Nurlybek Nálibaevtyń bastamasymen qalanǵan bolatyn.
Ashylý rásiminde oblys ákimi Murat Nálqojauly balalardy merekemen quttyqtap, Botanikalyq baq jumysy jetkinshekterdiń tiimdi demalysyn uiymdastyrýǵa jáne tyń jobalardy júzege asyrýǵa baǵyttalǵanyn atap ótti.
«Barshańyzdy 1 maýsym – Halyqaralyq balalardy qorǵaý kúni merekesimen shyn júrekten quttyqtaimyn! Bala – bizdiń basty bailyǵymyz. Bilimdi, deni saý, ultjandy urpaq tárbieleý – barshamyzdyń ortaq paryzymyz. Prezidentimiz Qasym-Jomart Kemeluly: «Ul-qyzdarymyzdyń parasatty, jan-jaqty bolyp ósýine jaǵdai jasaý, jas azamattarymyzdyń quqyǵyn qorǵap, densaýlyǵyn saqtaý – memleketimizdiń basty mindeti», – degen bolatyn. Búgin Prezident saiabaǵynyń aýmaǵynan ashylǵan Botanikalyq baq – osy aýqymdy bastamanyń aimaǵymyzdaǵy naqty ári jemisti kórinisi. Baq ishine Qytai, Ońtústik Afrika, Japoniia, Ońtústik jáne Ortalyq Amerikada ósetin jasyl jelek egildi. Osy arqyly jas jetkinshekterge ósimdikterdiń ekojúiedegi mańyzy túsindiriledi. Bul jai ǵana balalar serýendeitin saiabaq emes, tabiǵat pen ǵylymdy ushtastyratyn, ekologiialyq mádenietti qalyptastyratyn kópfýnktsionaldy keshen bolmaq. Balalarymyz osy jerde tabiǵatpen tildesip, eko-jaýapkershiliktiń, eńbekqorlyqtyń shynaiy úlgisin kóredi. Osy baqtan bizdiń aimaqtyń ǵana emes, búkil elimizdiń ekologiiasyn zertteitin bolashaq ǵalymdar, biologtar men agronomdar shyǵady dep senemiz», – dedi Murat Nálqojauly.
Aita keteiik, Memleket basshysynyń qoldaýymen Syr óńirinde keiingi tórt jylda 46 zamanaýi bilim berý nysany tabystaldy.
«Keleshek mektepteri» ulttyq jobasy aiasynda 10 jańa mektep salyndy. Fizika-matematika baǵytyndaǵy «Bilim-innovatsiia» litsei-internaty, mýzykalyq kolledjdiń jańa oqý ǵimaraty men jataqhanasy paidalanýǵa berildi. «Oqýshylar saraiy», «Syr juldyzdary» akademiiasy, Jalaǵash, Jańaqorǵan, Shieli aýdandaryndaǵy «Oqýshylar úii» men «Óner mektepteri» jas jetkinshekterdiń shyǵarmashylyq, ziiatkerlik áleýetin arttyrýǵa qyzmet etýde. Jaqynda ǵana jyl boiy úzdiksiz qyzmet kórsetetin «AI-KERIM» oqý-saýyqtyrý ortalyǵy balalar igiligine ainaldy.
