بٷگٸن حالىقارالىق بالالاردى قورعاۋ كٷنٸندە وبلىس ەكٸمٸ مۇرات ەرگەشباەۆ, قر پارلامەنتٸ سەناتى مەن مەجٸلٸسٸنٸڭ دەپۋتاتتارى رۋسلان رٷستەموۆ, مارحابات جايىمبەتوۆ, زييالى قاۋىم ٶكٸلدەرٸ مەن ەل اعالارى مەملەكەت باسشىسىنىڭ قولداۋىمەن سالىنعان بوتانيكالىق باقتىڭ اشىلۋ رەسٸمٸنە قاتىستى, دەپ حابارلايدى dalanews.kz.
مەرەكە كٷنٸ جەتكٸنشەكتەرگە تارتۋ ەتٸلگەن بوتانيكالىق باق پرەزيدەنت ساياباعى اۋماعىندا ورنالاسقان. باس مەردٸگەر - «Alem Qurylys AQ» جشس. قۇرىلىسىنا 4,9 ملرد تەڭگە بٶلٸنگەن, نىساننىڭ ٸرگەتاسى بىلتىر قىركٷيەك ايىندا سول كەزدەگٸ ايماق باسشىسى نۇرلىبەك نەلٸباەۆتىڭ باستاماسىمەن قالانعان بولاتىن.
اشىلۋ رەسٸمٸندە وبلىس ەكٸمٸ مۇرات نەلقوجاۇلى بالالاردى مەرەكەمەن قۇتتىقتاپ, بوتانيكالىق باق جۇمىسى جەتكٸنشەكتەردٸڭ تيٸمدٸ دەمالىسىن ۇيىمداستىرۋعا جەنە تىڭ جوبالاردى جٷزەگە اسىرۋعا باعىتتالعانىن اتاپ ٶتتٸ.
«بارشاڭىزدى 1 ماۋسىم – حالىقارالىق بالالاردى قورعاۋ كٷنٸ مەرەكەسٸمەن شىن جٷرەكتەن قۇتتىقتايمىن! بالا – بٸزدٸڭ باستى بايلىعىمىز. بٸلٸمدٸ, دەنٸ ساۋ, ۇلتجاندى ۇرپاق تەربيەلەۋ – بارشامىزدىڭ ورتاق پارىزىمىز. پرەزيدەنتٸمٸز قاسىم-جومارت كەمەلۇلى: «ۇل-قىزدارىمىزدىڭ پاراساتتى, جان-جاقتى بولىپ ٶسۋٸنە جاعداي جاساۋ, جاس ازاماتتارىمىزدىڭ قۇقىعىن قورعاپ, دەنساۋلىعىن ساقتاۋ – مەملەكەتٸمٸزدٸڭ باستى مٸندەتٸ», – دەگەن بولاتىن. بٷگٸن پرەزيدەنت ساياباعىنىڭ اۋماعىنان اشىلعان بوتانيكالىق باق – وسى اۋقىمدى باستامانىڭ ايماعىمىزداعى ناقتى ەرٸ جەمٸستٸ كٶرٸنٸسٸ. باق ٸشٸنە قىتاي, وڭتٷستٸك افريكا, جاپونييا, وڭتٷستٸك جەنە ورتالىق امەريكادا ٶسەتٸن جاسىل جەلەك ەگٸلدٸ. وسى ارقىلى جاس جەتكٸنشەكتەرگە ٶسٸمدٸكتەردٸڭ ەكوجٷيەدەگٸ ماڭىزى تٷسٸندٸرٸلەدٸ. بۇل جاي عانا بالالار سەرۋەندەيتٸن ساياباق ەمەس, تابيعات پەن عىلىمدى ۇشتاستىراتىن, ەكولوگييالىق مەدەنيەتتٸ قالىپتاستىراتىن كٶپفۋنكتسيونالدى كەشەن بولماق. بالالارىمىز وسى جەردە تابيعاتپەن تٸلدەسٸپ, ەكو-جاۋاپكەرشٸلٸكتٸڭ, ەڭبەكقورلىقتىڭ شىنايى ٷلگٸسٸن كٶرەدٸ. وسى باقتان بٸزدٸڭ ايماقتىڭ عانا ەمەس, بٷكٸل ەلٸمٸزدٸڭ ەكولوگيياسىن زەرتتەيتٸن بولاشاق عالىمدار, بيولوگتار مەن اگرونومدار شىعادى دەپ سەنەمٸز», – دەدٸ مۇرات نەلقوجاۇلى.
ايتا كەتەيٸك, مەملەكەت باسشىسىنىڭ قولداۋىمەن سىر ٶڭٸرٸندە كەيٸنگٸ تٶرت جىلدا 46 زاماناۋي بٸلٸم بەرۋ نىسانى تابىستالدى.
«كەلەشەك مەكتەپتەرٸ» ۇلتتىق جوباسى اياسىندا 10 جاڭا مەكتەپ سالىندى. فيزيكا-ماتەماتيكا باعىتىنداعى «بٸلٸم-يننوۆاتسييا» ليتسەي-ينتەرناتى, مۋزىكالىق كوللەدجدٸڭ جاڭا وقۋ عيماراتى مەن جاتاقحاناسى پايدالانۋعا بەرٸلدٸ. «وقۋشىلار سارايى», «سىر جۇلدىزدارى» اكادەميياسى, جالاعاش, جاڭاقورعان, شيەلٸ اۋداندارىنداعى «وقۋشىلار ٷيٸ» مەن «ٶنەر مەكتەپتەرٸ» جاس جەتكٸنشەكتەردٸڭ شىعارماشىلىق, زيياتكەرلٸك ەلەۋەتٸن ارتتىرۋعا قىزمەت ەتۋدە. جاقىندا عانا جىل بويى ٷزدٸكسٸز قىزمەت كٶرسەتەتٸن «AI-KERIM» وقۋ-ساۋىقتىرۋ ورتالىعى بالالار يگٸلٸگٸنە اينالدى.
