AQSh-ta bastaýysh synyp oqýshylaryna bir oqý jylynda 46 kitap oqý mindetteledi. Bul týraly Saltanat esimdi bloger áleýmettik jelidegi paraqshasynda málimdedi, dep habarlaidy Dalanews.kz.
Onyń aitýynsha, balalardy kóp kitap oqýǵa yntalandyrý úshin mektepter arnaiy júieli motivatsiia baǵdarlamasyn qoldanady. Atalǵan bastama oqýshylardyń oqý mádenietin qalyptastyrýǵa jáne olardyń jeke damýyna baǵyttalǵan.
Blogerdiń málimetinshe, kitap sany kezdeisoq tańdalmaǵan. Bul kórsetkish oqýshylar turyp jatqan óńirdegi 46 taý shyńymen bailanysty. Ár kitaptyń kúrdelilik deńgeii taý shyńdarynyń biiktigine sáikes kezeń-kezeńimen artyp otyrady. Kitaptardyń tizimin mekteptiń ózi bekitedi.
“Oqýshylar kitaptardy mektep kitaphanasynan nemese qalalyq kitaphanalardan alyp oqidy. Ár kitapty aiaqtaǵannan keiin mektep kitaphanasynyń resmi saitynda test tapsyrady. Ár test 10 suraqtan turady. Eger oqýshy 7 nemese odan da kóp suraqqa durys jaýap berse, kitap oqylǵan bolyp esepteledi. Al talap oryndalmaǵan jaǵdaida, bala kitapty qaita oqyp, testti kelesi kúni qaita tapsyra alady”, - deidi ol.
Onyń sózinshe, balalardy yntalandyrý júiesi de kezeń-kezeńimen júzege asady. Alǵashqy kitapty oqyp bitirgen oqýshynyń aty-jóni mektepte tańerteń mikrofon arqyly jariialanyp, oǵan arnaiy syilyq tabystalady. Bul balanyń ózine degen senimin arttyryp, maqtanysh sezimin qalyptastyrady.
“Odan keiin de ár mejelik kezeńde oqýshylar marapattalyp otyrady. Atap aitqanda, 10 kitap oqyǵan balaǵa dúkenge sertifikat, 20 kitaptan keiin kinoteatrǵa sertifikat, 30 kitaptan soń qoǵamdyq tamaqtaný jelisine syilyq, 40 kitapty aiaqtaǵandarǵa kitap dúkenine sertifikat beriledi. Al 46 kitapty tolyq oqyp shyqqan oqýshyǵa arnaiy sertifikat, klýb múshesiniń mártebesi jáne estelik syilyqtar tabystalady”, - dedi ol.
Saltanattyń aitýynsha, bul bastamanyń eń basty artyqshylyǵy - onyń balanyń bolashaǵyna tikelei áser etýinde. Máselen, mektepti aiaqtaǵan soń, oqýshy ýniversitetke qujat tapsyrǵan kezde 46 kitap oqyǵany týraly sertifikatty jeke portfoliosyna qosa alady.
“Bul ásirese bedeldi joǵary oqý oryndaryna túsý kezinde mańyzdy artyqshylyq retinde qarastyrylady, sebebi sheteldik ýniversitetter emtihan nátijesimen qatar talapkerdiń jeke jetistikterine de mán beredi”, - dedi ol.
