Elimizde sońǵy jyldary mektepke deiingi jáne orta bilim berý salasynda aýqymdy reformalar júzege asqanyn bilemiz. Irgeli ózgeristerdiń maqsaty – bilim berý sapasyn arttyrý, qoljetimdilikti qamtamasyz etý jáne halyqaralyq standarttarǵa sáikestendirýdi kózdegeni anyq.
Qazirgi tańda elimizde mektepke deiingi bilim berý mekemeleriniń tapshylyǵy joiylyp, endigi kezekte olardyń jumysyn joǵary sapaǵa kóterý isi kún tártibine shyqty desek bolady.
Qazirgi tańda Qazaqstanda 11 myńnan astam mektepke deiingi uiym jumys istep, 1 millionǵa jýyq bala qamtyp otyr. Stataistikalyq derekterge nazar aýdarsaq, el ishinde 2-den 6 jasqa deiingi balalardy balabaqshamen qamtý kórsetkishi 89,5%-dy quraǵanyn baiqaimyz. Aldaǵy ýaqytta jańa balabaqshalar ashý arqyly bul kórsetkishti 95%-ǵa deiin jetkizý josparlanyp otyr.
Osy rette balabaqshalardyń sanyn arttyrý barysynda mektepke deiingi uiymdardaǵy oryndardy bólýde ashyqtyq pen aiqyndylyqty qamtamasyz etý isi de qatar júrgeni kópshilikke jaqsy tanys. Qazir elemizde balabaqshaǵa kezekke qoiýdyń biryńǵai derekter bazasy jumys isteidi.
Osylaisha bul isi el azamattarynyń qushaq-qushaq qujattar jinaý isinen qutaqaryp, tizimge qoiý isi tolyqtai avtomattandyrylǵanyn airyqsha atap ótýge bolady.
Bul sharalar birinshi kezekte ata-analar úshin qolaily jaǵdai týǵyzyp, sybailas jemqorlyq táýekelderin barynsha azaitqanyn airyqsha atap ótýimiz kerek.
2024 jyldan bastap balabaqshaǵa kezekke turýdyń biryńǵai bazasy iske qosylǵan bolatyn. Bul joba pilottyq rejimde 2023 jyldyń qazan aiynda iske qosylǵan edi. Biyl qańtardan bastap búkil respýblika boiynsha qoldanylýda. Ata-analardyń bári buǵan dán riza.
Elektrondyq júieler arqyly ata-analar kezektiń jyljýyn onlain rejimde baqylap, bos oryndar týraly aqparatty ýaqytyly ala alady. Bul baǵyttaǵy jumystar qujattardy jinap-tapsyrý úrdisin jeńildetilip, ata-analarǵa yńǵaily jaǵdai jasaǵan.
Sarapshy mamandar elimizde balabaqshaǵa kezekke turý jáne qabyldaý protsesterin avtomattandyrý isi mektepke deiingi bilim berý salasynyń tiimdiligin arttyrǵanyn da alǵa tartyp otyr.
