Memleket basshysy Qasym-Jomart Toqaev Alataý qalasyn damytý jónindegi keńeste sóz sóiledi, dep habarlaidy dalanews.kz.
Prezidenttiń pikirinshe, Almaty oblysynyń damý qarqyny jaman emes, tiisti jumys istelip jatyr.
"Byltyr óńirlik jalpy ónim kólemi 6,7 trillion teńge bolyp, 5,4 paiyzǵa ósti. Qańtar-sáýir ailaryndaǵy qysqa merzimdi ekonomikalyq kórsetkish boiynsha aimaq 5 orynda tur. Investitsiia tartý jumysy belsendi túrde júrgizilip jatyr. Jyl basynan beri oblys ekonomikasyna 266,2 milliard teńge investitsiia salyndy. Ónerkásip óndirisiniń kólemi shamamen 900 milliard teńgege jetti. Biraq agrarlyq sektordyń áleýeti áli de tolyq igerilmei jatyr. Biylǵy 4 aidyń nátijesi boiynsha aýyl, orman jáne balyq sharýashylyǵynyń naqty kólem indeksi 101,2 paiyz boldy", - dedi Qasym-Jomart Toqaev.
Dese de, Memleket basshysynyń sózinshe, Qonaev qalasyndaǵy infraqurylym qurylysy óte baiaý júrgizilip jatyr.
"Bir olqylyqqa nazar aýdarǵym keledi. Qonaev qalasyndaǵy infraqurylym qurylysy óte baiaý júrgizilip jatyr. "Baiaǵy jartas – sol jartas", qalanyń kelbeti ózgerissiz kúide. Bul qalada shuǵyl túrde teatr, stadion, ákimshilik ǵimarattary men mektepter salý kerek. Onsyz Almaty oblysy óz aiaǵyna turyp kete almaidy. Oblys basshylyǵy osy ózekti máselelerge basa nazar aýdarýy qajet", - dedi Prezident.
Aita keteiik, búgin Memleket basshysy Almaty oblysyna bardy.
