مەملەكەت باسشىسى قاسىم-جومارت توقاەۆ الاتاۋ قالاسىن دامىتۋ جٶنٸندەگٸ كەڭەستە سٶز سٶيلەدٸ, دەپ حابارلايدى dalanews.kz.
پرەزيدەنتتٸڭ پٸكٸرٸنشە, الماتى وبلىسىنىڭ دامۋ قارقىنى جامان ەمەس, تيٸستٸ جۇمىس ٸستەلٸپ جاتىر.
"بىلتىر ٶڭٸرلٸك جالپى ٶنٸم كٶلەمٸ 6,7 تريلليون تەڭگە بولىپ, 5,4 پايىزعا ٶستٸ. قاڭتار-سەۋٸر ايلارىنداعى قىسقا مەرزٸمدٸ ەكونوميكالىق كٶرسەتكٸش بويىنشا ايماق 5 ورىندا تۇر. ينۆەستيتسييا تارتۋ جۇمىسى بەلسەندٸ تٷردە جٷرگٸزٸلٸپ جاتىر. جىل باسىنان بەرٸ وبلىس ەكونوميكاسىنا 266,2 ميلليارد تەڭگە ينۆەستيتسييا سالىندى. ٶنەركەسٸپ ٶندٸرٸسٸنٸڭ كٶلەمٸ شامامەن 900 ميلليارد تەڭگەگە جەتتٸ. بٸراق اگرارلىق سەكتوردىڭ ەلەۋەتٸ ەلٸ دە تولىق يگەرٸلمەي جاتىر. بيىلعى 4 ايدىڭ نەتيجەسٸ بويىنشا اۋىل, ورمان جەنە بالىق شارۋاشىلىعىنىڭ ناقتى كٶلەم يندەكسٸ 101,2 پايىز بولدى", - دەدٸ قاسىم-جومارت توقاەۆ.
دەسە دە, مەملەكەت باسشىسىنىڭ سٶزٸنشە, قوناەۆ قالاسىنداعى ينفراقۇرىلىم قۇرىلىسى ٶتە باياۋ جٷرگٸزٸلٸپ جاتىر.
"بٸر ولقىلىققا نازار اۋدارعىم كەلەدٸ. قوناەۆ قالاسىنداعى ينفراقۇرىلىم قۇرىلىسى ٶتە باياۋ جٷرگٸزٸلٸپ جاتىر. "باياعى جارتاس – سول جارتاس", قالانىڭ كەلبەتٸ ٶزگەرٸسسٸز كٷيدە. بۇل قالادا شۇعىل تٷردە تەاتر, ستاديون, ەكٸمشٸلٸك عيماراتتارى مەن مەكتەپتەر سالۋ كەرەك. ونسىز الماتى وبلىسى ٶز اياعىنا تۇرىپ كەتە المايدى. وبلىس باسشىلىعى وسى ٶزەكتٸ مەسەلەلەرگە باسا نازار اۋدارۋى قاجەت", - دەدٸ پرەزيدەنت.
ايتا كەتەيٸك, بٷگٸن مەملەكەت باسشىسى الماتى وبلىسىنا باردى.
