EAEO aiasyndaǵy baǵa dempinginen bolǵan shyǵyndy óteý quqyǵy boiynsha odaqtyń basty sharttaryna ózgerister men túzetýler engiziledi, dep habarlaidy Dalanews.kz.
Astanada Qazaqstannyń Saýda jáne integratsiia vitse-ministri Janel Kýshýkova Eýraziialyq ekonomikalyq komissiianyń (EEK) básekelestik jáne monopoliiaǵa qarsy retteý jónindegi Alqa múshesi Maksim Ermolovichpen kezdesti. Kezdesý barysynda taraptar memlekettik satyp alý, monopoliiaǵa qarsy retteý máseleleri, sondai-aq Eýraziialyq ekonomikalyq integratsiianyń aǵymdaǵy kún tártibin talqylady.
Saýda jáne integratsiia vitse-ministri Janel Kýshýkova taýarlarǵa qatysty dempingke qarsy sharanyń qoldanylý kezeńinde EEK baǵa monitoringin júrgizý máselelerine jáne Qazaqstannyń EAEO týraly shartta zardap shekken sharýashylyq júrgizýshi sýbektilerdiń zalaldy óteý týraly talaptarmen qatysýshy elderdiń sottaryna júginý quqyǵyn bekitý týraly usynysyna erekshe nazar aýdardy.
"Ziiandy óteý týraly talap qoiý múmkindigi EAEO elderiniń zańnamasynda kózdelgen, biraq aqparattyń jetkiliksizdigine bailanysty sirek paidalanylady. Bul normany EAEO týraly shartta bekitý josyqsyz qatysýshylarǵa yqpal etýge jáne adaldyqty qoldaýǵa kómektesedi", - dep túsindirdi vitse-ministr Kýshýkova.
Óz kezeginde EEK Alqasynyń múshesi Maksim Ermolovich Qazaqstan tarapynyń EAEO-ǵa múshe memlekettiń sotyna zalaldy óteý týraly talap qoia otyryp, sharýashylyq júrgizýshi sýbektiniń ótinishi boiynsha osy normany bekitý týraly bastamasyn tutastai qoldady.
Jaqyn arada Eýraziialyq ekonomikalyq komissiia odaqtyń basty shartyna tiisti túzetýler ázirleýge kirisedi.
Aita ketsek, odaqqa múshe elderdiń taýar óndirýshileri tarapynan dempingke qatysty jii shaǵym túsedi. Qazaqstanda, kóbine aýyl sharýashylyǵy ónimderin óndirýshiler bas kóteredi. Máselen, sońǵy jyldary otandyq jumyrtqa óndirýshiler Belarýs jáne Resei óndirýshileriniń dempingi saldarynan suranystyń tómendeýine bailanysty óz ónimderin ózindik qunynan tómen satýǵa májbúr bolǵandaryn aitýda. Al 2024 jyly Resei bidaiy Qazaqstan naryǵyna lap qoiyp, alty ai ishinde importtyń jyldyq kóleminen asyp tústi. Ol óz kezeginde ishki naryqta astyq baǵasynyń tómendeýine alyp keldi. Sol sebepti Qazaqstanda kóliktiń barlyq túrlerimen ákelinetin astyq importyna ýaqytsha tyiym salýǵa májbúr boldy. Janar-jaǵarmaiǵa da qatysty jaǵdai týra osyndai...
