Áleýmettik taýarlar baǵasyn negizsiz kótergen satýshylarǵa 50,8 mln teńgege jýyq aiyppul salyndy, dep habarlaidy Dalanews.kz.
Saýda jáne integratsiia ministrligi málimetinshe, máselen Batys Qazaqstan oblysynda "Juldyz" jeke kásipkerligi "Iletskaia" tuzyn kelisin 55 teńgeden satyp alyp, 90 teńgeden satqan. Saýda ústemesi - 63,6 paiyz.
"Ulytaý oblysynda jeke kásipker "Shedevr" kúnbaǵys maiyn (1 l) 1100 teńgeden satqan, saýda ústemesi 22,22 paiyzǵa jetken. Qostanai oblysynda jeke kásipker piiazdyń kelisin 150 teńgeden satqan, saýda ústemesi - 50 paiyz", - dep jazylǵan ministrlik habarlamasynda.
Bul derekter boiynsha kásipkerlerge Qazaqstan Respýblikasynyń Ákimshilik quqyqbuzýshylyq týraly kodeksiniń 204-4-babyna sáikes ákimshilik sharalar qoldanylǵan.
