Azyq-túlik baǵasyn negizsiz kótergenderge shara qoldanylady
Onyń sózinshe, Túrkistan qalasyndaǵy áleýmettik mańyzy bar azyq-túlik taýarlarynyń baǵa indeksi 103,2 paiyzdy quraǵan.
– 2021 jylǵa arnalǵan «Áleýmettik mańyzy bar azyq-túlik taýarlarynyń baǵasyn turaqtandyrý» boiynsha naqty is-sharalar jospary bekitilip, onyń oryndalýyna oblys ákiminiń tiisti orynbasarlary, birqatar oblystyq basqarmalar men departamentter, aýdan, qala ákimderi jaýapty bolyp bekitildi. Qazirgi tańda, azyq-túlik taýarlarynyń 2 túri bekitilgen shekti baǵalardan 15 paiyzǵa joǵary saýdalanyp jatyr. Iaǵni, 322 teńge bolyp bekitilgen jumyrtqanyń quny 386 teńgege ósti, al 526 teńge kúnbaǵys maiy 640 teńgeden satylyp jatyr. Búginde osy siiaqty taýarlar qunynyń ósýiniń sebepterin anyqtaý jumystary júrgizilýde, – dedi D.Asqaruly.
Sondai-aq, jiynda oblystyq kásipkerlik jáne saýda basqarmasynyń bólim basshysy Serǵaziev Daniiar óńirimizde áleýmettik mańyzy bar azyq-túlik taýarlary baǵasynyń negizsiz ósýiniń aldyn-alý maqsatynda iri saýda oryndary men dúkenderi jáne ámbebap bazarlarymen 1 098 memorandým túzilgenin aitty.
Odan bólek, arnaiy qurylǵan mobildik toptar aimaqtaǵy 55 ámbebap saýda bazaryna, 65 saýda úiine jáne 986 dúkenderge reidtik sharalar júrgizip, azyq-túlik taýarlary baǵalaryn negizsiz kótergen jaǵdaida zań aiasynda shara kóriletini jóninde eskertý jasalǵan.
Óz kezeginde Azyq túlik turaqtandyrý qory departamentiniń direktory Bekbol Amantaev qorda quny 450 mln teńge bolatyn taýar baryn jetkizdi. Búginde oblystyq aýyl sharýashylyǵy basqarmasymen birlesip qosymsha taýarlar jetkizilýde. Sondai-aq, áleýmettik pavilondar, jármeńkeler jáne kóshpeli saýda arqyly jalpy somasy 24,2 mln teńgege 230,7 tonna azyq-túlik taýarlary tómen baǵada satylymǵa shyǵarylǵan.
