ونىڭ سوزىنشە، تۇركىستان قالاسىنداعى الەۋمەتتىك ماڭىزى بار ازىق-تۇلىك تاۋارلارىنىڭ باعا يندەكسى 103،2 پايىزدى قۇراعان.
– 2021 جىلعا ارنالعان «الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ» بويىنشا ناقتى ءىس-شارالار جوسپارى بەكىتىلىپ، ونىڭ ورىندالۋىنا وبلىس اكىمىنىڭ ءتيىستى ورىنباسارلارى، ءبىرقاتار وبلىستىق باسقارمالار مەن دەپارتامەنتتەر، اۋدان، قالا اكىمدەرى جاۋاپتى بولىپ بەكىتىلدى. قازىرگى تاڭدا، ازىق-تۇلىك تاۋارلارىنىڭ 2 ءتۇرى بەكىتىلگەن شەكتى باعالاردان 15 پايىزعا جوعارى ساۋدالانىپ جاتىر. ياعني، 322 تەڭگە بولىپ بەكىتىلگەن جۇمىرتقانىڭ قۇنى 386 تەڭگەگە ءوستى، ال 526 تەڭگە كۇنباعىس مايى 640 تەڭگەدەن ساتىلىپ جاتىر. بۇگىندە وسى سياقتى تاۋارلار قۇنىنىڭ ءوسۋىنىڭ سەبەپتەرىن انىقتاۋ جۇمىستارى جۇرگىزىلۋدە، – دەدى د.اسقار ۇلى.
سونداي-اق، جيىندا وبلىستىق كاسىپكەرلىك جانە ساۋدا باسقارماسىنىڭ ءبولىم باسشىسى سەرعازييەۆ دانيار وڭىرىمىزدە الەۋمەتتىك ماڭىزى بار ازىق-تۇلىك تاۋارلارى باعاسىنىڭ نەگىزسىز ءوسۋىنىڭ الدىن-الۋ ماقساتىندا ءىرى ساۋدا ورىندارى مەن دۇكەندەرى جانە امبەباپ بازارلارىمەن 1 098 مەموراندۋم تۇزىلگەنىن ايتتى.
ودان بولەك، ارنايى قۇرىلعان موبيلدىك توپتار ايماقتاعى 55 امبەباپ ساۋدا بازارىنا، 65 ساۋدا ۇيىنە جانە 986 دۇكەندەرگە رەيدتىك شارالار جۇرگىزىپ، ازىق-تۇلىك تاۋارلارى باعالارىن نەگىزسىز كوتەرگەن جاعدايدا زاڭ اياسىندا شارا كورىلەتىنى جونىندە ەسكەرتۋ جاسالعان.
ءوز كەزەگىندە ازىق تۇلىك تۇراقتاندىرۋ قورى دەپارتامەنتىنىڭ ديرەكتورى بەكبول امانتايەۆ قوردا قۇنى 450 ملن تەڭگە بولاتىن تاۋار بارىن جەتكىزدى. بۇگىندە وبلىستىق اۋىل شارۋاشىلىعى باسقارماسىمەن بىرلەسىپ قوسىمشا تاۋارلار جەتكىزىلۋدە. سونداي-اق، الەۋمەتتىك پاۆيلوندار، جارمەڭكەلەر جانە كوشپەلى ساۋدا ارقىلى جالپى سوماسى 24،2 ملن تەڭگەگە 230،7 توننا ازىق-تۇلىك تاۋارلارى تومەن باعادا ساتىلىمعا شىعارىلعان.
