Azerbaijan Airlines Aqtaý mańyndaǵy ushaq apatynan qaza tapqandardyń otbasylaryna ótemaqy tóleidi. Ótemaqy jergilikti biýdjetten qarastyrylyp otyrǵan somamen salystyrǵanda eki ese kóp, dep jazady Dalanews.kz.
"Ázirbaijan aviajelisi" AAQ Baqylaý keńesiniń sheshimi boiynsha 2024 jylǵy 25 jeltoqsanda J2-8243 - Baký-Groznyi baǵytyna qatynaǵan Embraer 190 ushaǵynyń Qazaqstan Respýblikasynyń territoriiasynda apatqa ushyraýy saldarynan zardap shekken árbir adamǵa 20 000 manat (6 mln teńge), sondai-aq, árbir qaza tapqan adamnyń otbasylaryna 40 000 manat (12 mln teńge) ótemaqy tólenetin bolady", delingen aviakompaniianyń Telegram arnasynda jariialanǵan habarlamasynda.
Sonymen qatar, barlyq jolaýshy Ázirbaijan Respýblikasynyń zańnamasyna jáne halyqaralyq ozyq tájiribege sáikes saqtandyrý tólemderin alatyny da naqtylanady.
Aita ketsek, 25 jeltoqsanda túske qarai Aqtaý mańynda "Baký-Groznyi" baǵytyna qatynaǵan Azerbaijan Airlines áýe kompaniiasyna tiesili ushaq apatqa ushyrady. Ushaq apatynan 29 adam aman qaldy, 38 adam qaza tapty. Qazaqstan kólik ministrliginiń keltirgen aldyn ala derekteri boiynsha bortta Ázirbaijannyń 37 azamaty, Qazaqstannyń alty azamaty, Qyrǵyzstannyń úsh azamaty jáne Reseidiń 16 azamaty bolǵan. Barlyǵy 67 adam, onyń ishinde beseýi ekipaj músheleri. Qazaqstan kólik ministrligi aviatsiialyq oqiǵany tergeý jónindegi komissiia quryldy. Komissiia Resei men Ázirbaijannyń quqyq qorǵaý organdary áýe apatyn tergeýge jiberiletinin aitty.
Sondai-aq keshe, 26 jeltoqsanda Aqtaýda ótken baspasóz máslihatynda Eńbek jáne áleýmettik qorǵaý vitse-ministri Aqmádi Sarbasov áýe apatynan qaza tapqan qazaqstandyqtardyń otbasyna qandai kómek kórsetiletinin jetkizdi. Ministrdiń aitýynsha, respýblikalyq biýdjetten kepildendirilgen tólem barlyq otbasyǵa beriledi.Naqtyraq aitqanda, asyraýshysynan aiyrylǵandarǵa 138 myń teńge kóleminde járdemaqy tólenedi. Sonymen qatar Memlekettik áleýmettik saqtandyrý qory arqyly 257 myń teńge tólenedi. Al bir rettik tólem mólsheri 5 million teńge bolady.
