Májilis depýtaty Nartaı Aralbaıuly zańdy túrde jumys istep jatqan azamattar ýaqytynda jalaqysyn ala almaı júrgenin aıtty, dep habarlaıdy Dalanews.kz.
Bul máseleni ol búgin Májilis otyrysynda kóterdi.
"Jumys berýshiler ýaqytynda tólemeıdi. Saldarynan azamattar nesıesin ýaqytynda jaba almaıdy. Sýpermarketterde azamattarymyz kredıtke tamaq alyp ishýge májbúr ekenin kóremiz", - dedi ol.
Depýtattyń saýalyna eńbek jáne halyqty áleýmettik qorǵaý birinshi vıse-mınıstri Asqarbek Ertaev jaýap qatty.
Sheneýniktiń sózine sensek, jumys berýshilerdiń jaýapkershiligin kúsheıtý máselesi qaralyp jatyr. Dese de "Atameken" palatasy sekildi birqatar tarap aıyppuldy kóterýge qarsy.
