Shymkentte 5 meditsina nysany apatty jaǵdaida tur. 2021 jyly onyń bári buzylyp, ornyna jańa emhana salynady. Bul týraly Shymkent ákimi Murat Áitenov halyqqa esep berý kezinde aitty.
"2024 jylǵa deiin emhana, aýrýhanaǵa qatysty máseleler tolyq sheshiledi. Bizdiń qalada jalpy 5 emhana apatty jaǵdaida tur. Soǵan bailanysty jospar jasap jatyrmyz. Onyń bárin kúrdeli jóndeýden ótkizýge múmkindik joq. Sebebi bári tozǵan. Sol sebepti bárin buzyp, jańadan salý úshin qujattar daiyndap jatyrmyz", – dedi Áitenov.
Aitýynsha, emhana jerin investorlarǵa berý nusqasy da qarastyrylǵan.
"Investorlar kelip jatyr. Eger olar óz qarajatyna emhana salyp, turǵyndardy qamtamasyz etemiz dese, emhananyń jerin berýge bolady", – dedi qala ákimi.
Aitýynsha, 2020 jyly Shymkentte jeti densaýlyq nysany kúrdeli jóndeýden ótti. Biyl 6 nysandy jóndeýden ótkizý josparlanǵan.
Sonymen qatar 2020 jyly Shymkentte 31 455 sábi dúniege keldi. Qalada tórt perzenthana bar. Qazir eki perzenthanada kúrdeli jóndeý jumystary júrip jatyr. Oryn tapshylyǵyna bailanysty №1 aýrýhananyń janynan besinshi perzenthanany ashý josparlanǵan.
