شىمكەنتتە 5 مەديتسينا نىسانى اپاتتى جاعدايدا تۇر. 2021 جىلى ونىڭ بەرٸ بۇزىلىپ, ورنىنا جاڭا ەمحانا سالىنادى. بۇل تۋرالى شىمكەنت ەكٸمٸ مۇرات ەيتەنوۆ حالىققا ەسەپ بەرۋ كەزٸندە ايتتى.
"2024 جىلعا دەيٸن ەمحانا, اۋرۋحاناعا قاتىستى مەسەلەلەر تولىق شەشٸلەدٸ. بٸزدٸڭ قالادا جالپى 5 ەمحانا اپاتتى جاعدايدا تۇر. سوعان بايلانىستى جوسپار جاساپ جاتىرمىز. ونىڭ بەرٸن كٷردەلٸ جٶندەۋدەن ٶتكٸزۋگە مٷمكٸندٸك جوق. سەبەبٸ بەرٸ توزعان. سول سەبەپتٸ بەرٸن بۇزىپ, جاڭادان سالۋ ٷشٸن قۇجاتتار دايىنداپ جاتىرمىز", – دەدٸ ەيتەنوۆ.
ايتۋىنشا, ەمحانا جەرٸن ينۆەستورلارعا بەرۋ نۇسقاسى دا قاراستىرىلعان.
"ينۆەستورلار كەلٸپ جاتىر. ەگەر ولار ٶز قاراجاتىنا ەمحانا سالىپ, تۇرعىنداردى قامتاماسىز ەتەمٸز دەسە, ەمحانانىڭ جەرٸن بەرۋگە بولادى", – دەدٸ قالا ەكٸمٸ.
ايتۋىنشا, 2020 جىلى شىمكەنتتە جەتٸ دەنساۋلىق نىسانى كٷردەلٸ جٶندەۋدەن ٶتتٸ. بيىل 6 نىساندى جٶندەۋدەن ٶتكٸزۋ جوسپارلانعان.
سونىمەن قاتار 2020 جىلى شىمكەنتتە 31 455 سەبي دٷنيەگە كەلدٸ. قالادا تٶرت پەرزەنتحانا بار. قازٸر ەكٸ پەرزەنتحانادا كٷردەلٸ جٶندەۋ جۇمىستارى جٷرٸپ جاتىر. ورىن تاپشىلىعىنا بايلانىستى №1 اۋرۋحانانىڭ جانىنان بەسٸنشٸ پەرزەنتحانانى اشۋ جوسپارلانعان.
