Májilis depýtaty Ashat Aımaǵambetov mindetti medısınalyq saqtandyrý qory qarajat boıynsha esep berýge mindetteletinin, lısenzıasy joq uıymdar tekserilip, BAQ-ta tártip buzǵandar týraly aqparat shyqqan jaǵdaıda Densaýlyq saqtaý mınıstrine tıisti tekseris júrgizýge búrokratıasyz ruqsat beriletinin aıtty, dep habarlaıdy Dalanews.kz.

Bul týraly depýtat májilis kýlýarynda aıtty. 

"Trıllıondaǵan qarajat ketip jatyr. Halyqtyń ótinishi sol qarajattyń qaıda ketkenin bilý. Sondyqtan bul óte mańyzdy norma. Endi qorda da, sol qordan MÁMS boıynsha qarajat alǵan mekemeler de tıisti merzimde óz saıtynda esepti jarıalaý kerek. Meniń oıymsha, bul mańyzdy. Ekinshiden, baqylaý. Eger lısenzıasy joq uıymdar tıisti jumyspen aınalyssa oǵan baqylaý engizip otyrmyz", - deıdi depýtat.

aqÚshinshiden, endi mınıstrge qosymsha múmkindik beriledi. 

"Eger BAQ-ta úlken problema týraly aqparat shyqsa, onlda mınıstr óte qıyn rásimderden ótpeı-aq kez kelgen mekemeni úlken problema sheńberinde tekserýge múmkindik beremiz. Biz nege mınıstrge senbeýimiz kerek? Ol problema bolsa eshteńeni kútip otyrmaı tez shara qabyldaıdy", - deıdi depýtat.