Azat Perýashev “Aq jol” partiiasynyń qomaqty aiyppuldarǵa qatysty zań jobasyn nelikten qoldamaitynyn túsindirdi, dep habarlaidy Dalanews.kz.
“Aq jol” fraktsiiasy Ákimshilik quqyq buzýshylyq týraly kodekske engiziletin túzetýlerge qarsy daýys berdi. Bul zań jobasynda kásipkerlerge salynatyn aiyppuldardy birneshe ese azaitýǵa qatysty túzetýler eskerilmegen.
Depýtat aiyppuldyń qomaqty mólsheri biznesti bopsalaý quralyna ainalyp ketkenin ashyq synǵa aldy. Onyń aitýynsha, kásipkerler úshin jazalaý sharalary ádil bolýy tiis.
“Biz jumys tobynda aiyppuldardy 3-5 ese azaitýǵa usynystar berdik. Ókinishke qarai, bul bastamalar memlekettik organdardyń qarsylyǵyna tap boldy. Olar bul aiyppuldardyń kásipkerlerdiń buzýshylyqtarynyń aldyn alý úshin qajet ekenin alǵa tartty. Biraq bul júie shyn máninde biznesti qyspaqqa alyp otyr”, – dedi Perýashev.
Onyń sózinshe, kásipkerler joǵary aiyppuldardy tóleýden góri, tekserýshilermen kelisýge májbúr.
“Máselen, baǵa belgisindegi qate úshin 700 myń teńge aiyppul salynsa, kásipkerler ony tekserýshilerge para berip sheshýge tyrysady. Bul baqylaýshy organdardyń bopsalaýyn kúsheitedi”, — dedi depýtat.
Bul jaǵdai zańdy biznes júrgizýge kedergi keltirip, tutynýshylar úshin de teris áser etedi, sebebi aiyppuldar taýar baǵasyna áser etip, infliatsiiany kúsheitedi.
“Sapasyz ónimder sórelerde qala beredi, al tekserýshilerdiń basty maqsaty – bizneske kóbirek aiyppul salý. Bul durys emes. Aiyppul mólsheri buzýshylyqtyń aýyrlyǵyna sai bolýy kerek”, – dep túiindedi depýtat.
“Aq jol” partiiasy jazalaý emes, kásipkerlerdi yntalandyrý arqyly ádil naryqtyq ekonomikany qurý qajettigin usyndy.
