ازات پەرۋاشەۆ “اق جول” پارتيياسىنىڭ قوماقتى ايىپپۇلدارعا قاتىستى زاڭ جوباسىن نەلٸكتەن قولدامايتىنىن تٷسٸندٸردٸ, دەپ حابارلايدى Dalanews.kz.
“اق جول” فراكتسيياسى ەكٸمشٸلٸك قۇقىق بۇزۋشىلىق تۋرالى كودەكسكە ەنگٸزٸلەتٸن تٷزەتۋلەرگە قارسى داۋىس بەردٸ. بۇل زاڭ جوباسىندا كەسٸپكەرلەرگە سالىناتىن ايىپپۇلداردى بٸرنەشە ەسە ازايتۋعا قاتىستى تٷزەتۋلەر ەسكەرٸلمەگەن.
دەپۋتات ايىپپۇلدىڭ قوماقتى مٶلشەرٸ بيزنەستٸ بوپسالاۋ قۇرالىنا اينالىپ كەتكەنٸن اشىق سىنعا الدى. ونىڭ ايتۋىنشا, كەسٸپكەرلەر ٷشٸن جازالاۋ شارالارى ەدٸل بولۋى تيٸس.
“بٸز جۇمىس توبىندا ايىپپۇلداردى 3-5 ەسە ازايتۋعا ۇسىنىستار بەردٸك. ٶكٸنٸشكە قاراي, بۇل باستامالار مەملەكەتتٸك ورگانداردىڭ قارسىلىعىنا تاپ بولدى. ولار بۇل ايىپپۇلداردىڭ كەسٸپكەرلەردٸڭ بۇزۋشىلىقتارىنىڭ الدىن الۋ ٷشٸن قاجەت ەكەنٸن العا تارتتى. بٸراق بۇل جٷيە شىن مەنٸندە بيزنەستٸ قىسپاققا الىپ وتىر”, – دەدٸ پەرۋاشەۆ.
ونىڭ سٶزٸنشە, كەسٸپكەرلەر جوعارى ايىپپۇلداردى تٶلەۋدەن گٶرٸ, تەكسەرۋشٸلەرمەن كەلٸسۋگە مەجبٷر.
“مەسەلەن, باعا بەلگٸسٸندەگٸ قاتە ٷشٸن 700 مىڭ تەڭگە ايىپپۇل سالىنسا, كەسٸپكەرلەر ونى تەكسەرۋشٸلەرگە پارا بەرٸپ شەشۋگە تىرىسادى. بۇل باقىلاۋشى ورگانداردىڭ بوپسالاۋىن كٷشەيتەدٸ”, — دەدٸ دەپۋتات.
بۇل جاعداي زاڭدى بيزنەس جٷرگٸزۋگە كەدەرگٸ كەلتٸرٸپ, تۇتىنۋشىلار ٷشٸن دە تەرٸس ەسەر ەتەدٸ, سەبەبٸ ايىپپۇلدار تاۋار باعاسىنا ەسەر ەتٸپ, ينفلياتسييانى كٷشەيتەدٸ.
“ساپاسىز ٶنٸمدەر سٶرەلەردە قالا بەرەدٸ, ال تەكسەرۋشٸلەردٸڭ باستى ماقساتى – بيزنەسكە كٶبٸرەك ايىپپۇل سالۋ. بۇل دۇرىس ەمەس. ايىپپۇل مٶلشەرٸ بۇزۋشىلىقتىڭ اۋىرلىعىنا ساي بولۋى كەرەك”, – دەپ تٷيٸندەدٸ دەپۋتات.
“اق جول” پارتيياسى جازالاۋ ەمەس, كەسٸپكەرلەردٸ ىنتالاندىرۋ ارقىلى ەدٸل نارىقتىق ەكونوميكانى قۇرۋ قاجەتتٸگٸن ۇسىندى.
