Aqparatty Mádenıet jáne sport mınıstrligi rastady.
Osynyń aldynda qalamger Smaǵul Elýbaı Facebook paraqshasynda Narymbetovtiń asqazanyndaǵy eski jarasy syr berip, aýrýhanaǵa túskenin jazǵan edi.
Satybaldy Narymbetov 1946 jyly 7 naýryzda Ońtústik Qazaqstan oblysy, Túrkistan aýdany, Ashysaı aýylynda týǵan. Belgili rejıser, kınodramatýrg, Qazaqstannyń eńbek sińirgen qaıratkeri, memlekettik syılyǵynyń laýreaty, Jorj Sadýl atyndaǵy syılyǵynyń jáne táýelsiz "Tarlan" júldesiniń ıegeri.
KazGÝ-diń fılologıa fakúltetinde úsh kýrs oqyp, 1965 jyly S.Narymbetov Búkilodaqtyq memlekettik kınematografıa ınstıtýtynyń senarı fakúltetine oqýǵa túsedi. 1974 jyly qysqametrajdy "Ocharovanıe" fılmin túsirgen soń, birneshe jyldan keıin "Balalyq shaǵymnyń Don Kıhoty" alǵashqy tolyqmetrajdy fılmin jaryqqa shyǵarady. 1984 jyly joǵarǵy rejıserlik kýrsty Georgıı Danelıanyń sheberhanasy boıynsha tamamdaıdy.
Sonymen qatar Satybaldy Narymbetov kóptegen tolyqmetrajdy kórkem jáne derekti fılmder túsirip, onnan astam fılmderge senarı jazǵan, birneshe áńgimeler jınaǵynyń avtory.
Rejıserdiń "Jas akordeonshynyń ómirbaıany" týyndysy qazaq kınosynyń altyn qoryna enip, QR Memlekettik syılyǵyna ıe bolǵankóptegen halyqaralyq festıválderdiń júldegeri bolǵan eń aıtýly fılm.
Marapattary:
- Anapa qalasynda ótken 3shi Búkilreseılik "Kıno-SHok" kınofıstıvaliniń júldegeri;
- 1995 jyly Fransıanyń Anje qalasynda ótken Halyqaralyq kınofıstıvaliniń qazylar alaqasynyń qurmetti gramotasynyń ıegeri;
- Frasýz kıno óneri akademıasynyń "Jorj Sedýl" atyndaǵy qurmetti syılyǵynyń ıegeri;
- 1996 jyly Qazaqstan Respýblıkasynyń Memlekettik syılyǵynyń laýreaty;
- 1996 jyly prezıdent jarlyǵymen joǵarǵy memlekettik marapat "Qurmet ordeni" berildi.
- 2000 jyly Táýelsiz "Platındy Tarlan" syılyǵynyń ıegeri.
- 2005 jyly prezıdent jarlyǵymen Qazaqstannyń eńbek sińirgen qaıratkeri qurmetti ataǵymen marapattaldy.
- 2011 jyly "Qazaqstan táýelsizdigine 20 jyl" medali;
- 2016 jyly "Qazaqstan táýelsizdiginie 25 jyl" medali.
