اقپاراتتى مادەنيەت جانە سپورت مينيسترلىگى راستادى.
وسىنىڭ الدىندا قالامگەر سماعۇل ەلۋباي Facebook پاراقشاسىندا نارىمبەتوۆتىڭ اسقازانىنداعى ەسكى جاراسى سىر بەرىپ، اۋرۋحاناعا تۇسكەنىن جازعان ەدى.
ساتىبالدى نارىمبەتوۆ 1946 جىلى 7 ناۋرىزدا وڭتۇستىك قازاقستان وبلىسى، تۇركىستان اۋدانى، اششىساي اۋىلىندا تۋعان. بەلگىلى رەجيسسەر، كينودراماتۋرگ، قازاقستاننىڭ ەڭبەك سىڭىرگەن قايراتكەرى، مەملەكەتتىك سىيلىعىنىڭ لاۋرەاتى، جورج سادۋل اتىنداعى سىيلىعىنىڭ جانە تاۋەلسىز "تارلان" جۇلدەسىنىڭ يەگەرى.
كازگۋ-دىڭ فيلولوگيا فاكۋلتەتىندە ءۇش كۋرس وقىپ، 1965 جىلى س.نارىمبەتوۆ بۇكىلوداقتىق مەملەكەتتىك كينەماتوگرافيا ينستيتۋتىنىڭ سەناريي فاكۋلتەتىنە وقۋعا تۇسەدى. 1974 جىلى قىسقامەتراجدى "وچاروۆانيە" ءفيلمىن تۇسىرگەن سوڭ، بىرنەشە جىلدان كەيىن "بالالىق شاعىمنىڭ دون كيحوتى" العاشقى تولىقمەتراجدى ءفيلمىن جارىققا شىعارادى. 1984 جىلى جوعارعى رەجيسسەرلىك كۋرستى گەورگيي دانەليانىڭ شەبەرحاناسى بويىنشا تامامدايدى.
سونىمەن قاتار ساتىبالدى نارىمبەتوۆ كوپتەگەن تولىقمەتراجدى كوركەم جانە دەرەكتى فيلمدەر ءتۇسىرىپ، وننان استام فيلمدەرگە سەناريي جازعان، بىرنەشە اڭگىمەلەر جيناعىنىڭ اۆتورى.
رەجيسسەردىڭ "جاس اككوردەونشىنىڭ ءومىربايانى" تۋىندىسى قازاق كينوسىنىڭ التىن قورىنا ەنىپ، ق ر مەملەكەتتىك سىيلىعىنا يە بولعانكوپتەگەن حالىقارالىق فەستيۆالدەردىڭ جۇلدەگەرى بولعان ەڭ ايتۋلى فيلم.
ماراپاتتارى:
- اناپا قالاسىندا وتكەن 3ءشى بۇكىلرەسەيلىك "كينو-شوك" كينوفيستيۆالىنىڭ جۇلدەگەرى؛
- 1995 جىلى فرانسيانىڭ انجە قالاسىندا وتكەن حالىقارالىق كينوفيستيۆالىنىڭ قازىلار الاقاسىنىڭ قۇرمەتتى گراموتاسىنىڭ يەگەرى؛
- فراسۋز كينو ونەرى اكادەمياسىنىڭ "جورج سەدۋل" اتىنداعى قۇرمەتتى سىيلىعىنىڭ يەگەرى؛
- 1996 جىلى قازاقستان رەسپۋبليكاسىنىڭ مەملەكەتتىك سىيلىعىنىڭ لاۋرەاتى؛
- 1996 جىلى پرەزيدەنت جارلىعىمەن جوعارعى مەملەكەتتىك ماراپات "قۇرمەت وردەنى" بەرىلدى.
- 2000 جىلى تاۋەلسىز "پلاتيندى تارلان" سىيلىعىنىڭ يەگەرى.
- 2005 جىلى پرەزيدەنت جارلىعىمەن قازاقستاننىڭ ەڭبەك سىڭىرگەن قايراتكەرى قۇرمەتتى اتاعىمەن ماراپاتتالدى.
- 2011 جىلى "قازاقستان تاۋەلسىزدىگىنە 20 جىل" مەدالى؛
- 2016 جىلى "قازاقستان تاۋەلسىزدىگىنىە 25 جىل" مەدالى.
