Aibek Oralbai 3 dúrkin Aziia chempiony atandy, dep habarlaidy Dalanews.kz.
Bokstan Qazaqstan erler quramasynyń kapitany Aibek Oralbai Mońǵoliianyń Ulan-Batyr qalasynda ótip jatqan Aziia chempionatynyń finalynda jeńiske jetti. Otandasymyz 90 keliden joǵary salmaqtyń aqtyq synynda Qytai ókili Baiikevýzi Danabikemen kezdesti.
Alǵashqy raýndta Aibek Oralbai 3:2 esebimen basym tústi. Ekinshi úshminýttyqta da jerlesimiz soqqylaryn dál daryta bildi. Tipti, úshinshi raýndta qarsylasyn nokdaýnǵa jiberdi. Nátijesinde tóreshilerdiń sheshimimen jeńiske jetti.
Osylaisha Qazaqstan erler quramasy Aziia chempionatyn segiz medalmen aiaqtady. Orazbek Asylqulov (60 kelige deiin), Sabyrjan Aqqalyqov (75 kelige deiin), Nurbek Oralbai (85 kelige deiin) altyn medal jeńip aldy. Tórehan Sabyrhan (70 kelige deiin) kúmis medalǵa ie bolsa, Mahmud Sabyrhan (55 kelige deiin), Ertýǵan Zeinýllinov (65 kelige deiin) jáne Saǵyndyq Toǵambai (90 kelige deiin) jarysty qola medalmen aiaqtady.
