ايبەك ورالباي 3 دۇركىن ازيا چەمپيونى اتاندى، دەپ حابارلايدى Dalanews.kz.

بوكستان قازاقستان ەرلەر قۇراماسىنىڭ كاپيتانى ايبەك ورالباي موڭعوليانىڭ ۇلان-باتىر قالاسىندا ءوتىپ جاتقان ازيا چەمپيوناتىنىڭ فينالىندا جەڭىسكە جەتتى. وتانداسىمىز 90 كەلىدەن جوعارى سالماقتىڭ اقتىق سىنىندا جۇڭگو وكىلى باييكيەۆۋزي دانابيكەمەن كەزدەستى.

العاشقى راۋندتا ايبەك ورالباي 3:2 ەسەبىمەن باسىم ءتۇستى. ەكىنشى ءۇشمينۋتتىقتا دا جەرلەسىمىز سوققىلارىن ءدال دارىتا ءبىلدى. ءتىپتى، ءۇشىنشى راۋندتا قارسىلاسىن نوكداۋنعا جىبەردى. ناتيجەسىندە تورەشىلەردىڭ شەشىمىمەن جەڭىسكە جەتتى.

وسىلايشا قازاقستان ەرلەر قۇراماسى ازيا چەمپيوناتىن سەگىز مەدالمەن اياقتادى. ورازبەك اسىلقۇلوۆ (60 كەلىگە دەيىن)، سابىرجان اققالىقوۆ (75 كەلىگە دەيىن)، نۇربەك ورالباي (85 كەلىگە دەيىن) التىن مەدال جەڭىپ الدى. تورەحان سابىرحان (70 كەلىگە دەيىن) كۇمىس مەدالعا يە بولسا، ماحمۇد سابىرحان (55 كەلىگە دەيىن)، ەرتۋعان زەينۋللينوۆ (65 كەلىگە دەيىن) جانە ساعىندىق توعامباي (90 كەلىگە دەيىن) جارىستى قولا مەدالمەن اياقتادى.