– Bul jaǵdaidy oblys ákimi baqylaýynda. Danial Ahmetovtiń tapsyrmasymen vedomstvoaralyq komissiia qurylyp, tekserý jumystary júrgizildi. Nátijesinde atalmysh ortalyqtyń 4 tárbielenýshisi negizgi aýyr jáne ilespe aýrýlardan qaitys bolǵany anyqtaldy. Komissiia músheleri júrgizgen zertteý jumystarynyń qortyndysy boiynsha balalardyń ártúrli týa bitken aýrýlarynyń asqynýynyń saldarynan bir ai ishinde ártúrli ýaqytta qaitys bolǵany anyqtaldy, – dedi Álisher Marhabat.
Resmi derek kózine súiensek, birinshi 2 sáýir kúni 24.12.2008 jyly týylǵan ul balanyń qazasy balada tirkelgen. Ekinshi ret 11 sáýir kúni 17.11.2009 jyly týylǵan taǵy bir ul bala qaitys bolsa, 20 sáýir kúni 11.03.2006 jyly týylǵan ul bala qaitys bolady. Al 29 sáýir kúni tirkelgen qaiǵyly oqiǵada 24.08.2012 jyly dúniege kelgen qyz bala ómirden ótti.
Tekserý barysynda qaitys bolǵan balalarda qyzylsha aýrýy anyqtalmaǵan. Ókinishke qarai, qaitys bolǵan balalardyń tórteýinen de ata-analary bas tartqan eken.
Komissiia quramynda áleýmettik qorǵaý, densaýlyq saqtaý basqarmalarynyń, ShQO boiynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń, aýdandyq ákimdiktiń basshylary men ókilderi, oblystyq jáne aýdandyq prokýratýra men politsiia qyzmetkerleri bolǵan. Budan basqa beiindi meditsinalyq mamandar – oblystyń bas pediatr, dáriger infektsionist, meditsinalyq baqylaý qyzmetkerleri komissiia jumysyna aralasqanyn aita ketýimiz kerek.
– Oblystyń bas pediatry men infektsionist dárigeriniń basshylyǵymen jaýapty sala mamandary balalar ortalyǵynyń qamqorlyqqa alynǵan 98 tárbielenýshisin qarady. Nátijesinde balalardyń jaǵdaiy jaqsy ekeni anyqtaldy. Tekserý barysynda tárbielenýshilerden teri oiylýlary baiqalmady. Balalar tamaqpen tolyq qamtamasyz etilgen, meditsinalyq jáne áleýmettik qyzmetterdiń barlyq kólemin alyp otyrǵany anyqtaldy, – dedi Álisher Marhabat.
Komissiia jumysynyń qorytyndysy negizinde ishki ister organdary balalar ólimine qatysty QR QK 317-babynyń 4-tarmaǵy boiynsha («Meditsina nemese farmatsevtika jumyskeriniń kásiptik mindetterin tiisinshe oryndamaýy» 4. Osy baptyń birinshi bóliginde kózdelgen, abaisyzda eki nemese odan kóp adamnyń ólimine ákep soqqan is-áreketter) qylmystyq is qozǵady. Qazir sotqa deiingi tergeý jumystary bastaldy.
– Komissiia músheleri meditsinalyq qujattardy júrgizý bóliginde oryn alǵan olqylyqtardy anyqtady. Soǵan bailanysty is júrgizý normalaryna sáikes ShQO boiynsha taýarlar men kórsetiletin qyzmetterdiń sapasy men qaýipsizdigin baqylaý departamenti atalmysh ortalyqtyń qyzmetine quzyretine kiretin máseleleri boiynsha tekserýdi jalǵastyrýda. Atalǵan zań buzýshylyqtar boiynsha laýazymdy tulǵalardy jaýapkershilikke tartý sharasy júrgizilgen tekserý qorytyndysy boiynsha qaralady, – dedi Álisher Marhabat.
Sonymen qatar, ishki baqylaý aiasynda áleýmettik qorǵaý basqarmasymen atalmysh ortalyqtyń direktory, onyń orynbasary, sondai-aq ortalyq pen basqarmanyń beiindi bólimderiniń basshylary tártiptik jaýapkershilikke tartyldy.
Vedomstvoaralyq komissiianyń jumysy aiasynda zerthana mamandary 146 adamnan, onyń ishinde 96 tárbielenýshi, 50 qyzmetkerden immýnitet kerneýligine taldaý jasady. Taldaýdyń qortyndysyna sáikes 9 tárbielenýshi, 2 qyzmetker OAA juqpaly aýrýlar bóliminde emdelgen. Qazirgi kúni olar aýrýhanadan shyqty.
Búginde bul ortalyqta 35 qyz ben 65 ul tárbielenýde. Onyń ishinde 24 balanyń ata-anasy bar. 11-i turaqty túrde kelip turady. Al 7 ata-ana balalarynyń jaǵdaiyn telefon shalyp, surap turady. Qalǵan 6 balalarynyń jaǵdaiy múldem qyzyqtyrmaidy.
Ókinishke qarai, 20 baladan ata-anasy bas tartqan. Sonymen qatar munda 9 jetim bala tárbielenýde. Sondai-aq, ata-anasynyń qamqorlyǵynsyz qalǵan 5 bala bar. 42 balanyń ata-anasy quqyǵynan aiyrylǵan.
Resmi derek kózderine súiensek, mundaǵy 85 tárbielenýshi bala kezinen beri múgedek. Al 8 bala birinshi toptaǵy bolsa, 7 bala ekinshi toptaǵy múmkindigi shekteýli jandar qataryna jatady.
– Komissiia músheleri balalardyń dene salmaǵynyń jetispeýshiligi týa bitken aýrýlardyń ereksheligi men aýyrlyǵyna bailanysty ekenin anyqtady. Mundai patologiiasy bar balalardyń fizikalyq damýynda artta qalýshylyqtar bar. Aita keteiik, ótken jyly oblys ákiminiń tapsyrmasy boiynsha qurylǵan qoǵamdyq komissiianyń jumysy aiasynda qoǵam ókilderi, ata-analar men BAQ ókilderi osy ortalyqqa baryp, balalardyń standartqa sáikes barlyq meditsinalyq jáne áleýmettik qyzmetterdi alyp otyrǵandaryn kórip qaitty. Sondai-aq, mekemeniń uiymdyq-qarjylyq qyzmetin memlekettik aýdit organdary teksergenin atap ótken jón, – dedi Álisher Marhabat.
