Qaraǵandy oblysynyń Temirtaý qalasynda qoǵamdyq kólikterdiń birinde aýyr qylmys oryn aldy. 30 jastaǵy er adam 18 jastaǵy jigitke sýyq qarýmen shabýyl jasaǵan, dep habarlaidy dalanews.kz
Oqiǵa 28 jeltoqsan kúni №107 baǵyttaǵy avtobýsta bolǵan. Aldyn ala málimetterge sáikes, eki jolaýshy tereze mańyndaǵy oryn úshin sózge kelip, janjal tóbeleske ulasqan. Qaqtyǵys barysynda kúdikti jas jigittiń aiaǵyna pyshaq suǵyp alǵan.
Zardap shekken azamat biraz qan joǵaltty. Al kúdikti oqiǵa ornynan boi tasalaǵan. Avtobýs júrgizýshisi jaǵdaidy baiqaǵan sátte kólikti dereý toqtatyp, jedel járdem men politsiia qyzmetkerlerin shaqyrǵan.
Oqiǵa kezinde avtobýsta ózge de jolaýshylar bolǵan. Kýágerler jedel járdem kelgenge deiin zardap shekken azamatqa alǵashqy kómek kórsetip, qan joǵaltýdyń aldyn alǵan.
Kúdikti kóp uzamai quqyq qorǵaý organdarynyń qyzmetkerlerine ustalyp, politsiia bólimshesiniń ýaqytsha ustaý izoliatoryna qamaldy. Atalǵan fakti boiynsha tergeý amaldary júrgizilip jatyr.
