Internet jelisinde "AvtoJol+" ataýymen jeńildetilgen avtonesieleýdiń jańartylǵan baǵdarlamasy iske qosylǵany týraly aqparat taraýda. Ónerkásip jáne qurylys ministrligi onyń shyndyqqa esh sáikes kelmeitinin eskertedi, dep habarlaidy Dalanews.kz.
Ministrliktiń málimetinshe, atalǵan aqparattyq material jalǵan bolyp tabylady jáne alaiaqtyq maqsatta jasalǵan bolýy múmkin.
"Ministrlik bul habarlamada kórsetilgen sharttarmen (avtokólik qunynyń 10%-dan 50%-ǵa deiingi bóligi sýbsidiialanady, jyldyq 2%-dan bastalatyn nesie mólsherlemesi, bastapqy jarnanyń bolmaýy jáne t.b.) baǵdarlamanyń iske qosylǵany jóninde resmi málimdeme jasaǵan joq. Ministrlik azamattardy saq bolýǵa, kúmándi siltemelerge ótpeýge, jeke derekterin tekserilmegen saittarda engizbeýge, sondai-aq tek resmi derekkózderde jariialanǵan aqparatqa senýge shaqyrady", delingen habarlamada.
Buǵan deiin ýtil alymnan túsken 8,5 mlrd teńge qorshaǵan ortany qorǵaý salasyna baǵyttalǵanyn jazǵanbyz.
