ينتەرنەت جەلىسىندە "اۆتوجول+" اتاۋىمەن جەڭىلدەتىلگەن اۆتونەسيەلەۋدىڭ جاڭارتىلعان باعدارلاماسى ىسكە قوسىلعانى تۋرالى اقپارات تاراۋدا. ونەركاسىپ جانە قۇرىلىس مينيسترلىگى ونىڭ شىندىققا ەش سايكەس كەلمەيتىنىن ەسكەرتەدى، دەپ حابارلايدى Dalanews.kz.
مينيسترلىكتىڭ مالىمەتىنشە، اتالعان اقپاراتتىق ماتەريال جالعان بولىپ تابىلادى جانە الاياقتىق ماقساتتا جاسالعان بولۋى مۇمكىن.
"مينيسترلىك بۇل حابارلامادا كورسەتىلگەن شارتتارمەن (اۆتوكولىك قۇنىنىڭ 10%-دان 50%-عا دەيىنگى بولىگى سۋبسيديالانادى، جىلدىق 2%-دان باستالاتىن نەسيە مولشەرلەمەسى، باستاپقى جارنانىڭ بولماۋى جانە ت.ب.) باعدارلامانىڭ ىسكە قوسىلعانى جونىندە رەسمي مالىمدەمە جاساعان جوق. مينيسترلىك ازاماتتاردى ساق بولۋعا، كۇماندى سىلتەمەلەرگە وتپەۋگە، جەكە دەرەكتەرىن تەكسەرىلمەگەن سايتتاردا ەنگىزبەۋگە، سونداي-اق تەك رەسمي دەرەككوزدەردە جاريالانعان اقپاراتقا سەنۋگە شاقىرادى"، دەلىنگەن حابارلامادا.
بۇعان دەيىن ۋتيل الىمنان تۇسكەن 8،5 ملرد تەڭگە قورشاعان ورتانى قورعاۋ سالاسىنا باعىتتالعانىن جازعانبىز.
