Qazaqstannyń aviatsiia salasynda kadrlyq ózgeris boldy, dep habarlaidy dalanews.kz.
2026 jylǵy 4 mamyrdan bastap «Aviatsiialyq ákimshilik» AQ-nyń bas atqarýshy direktory qyzmetine Maikl Deniel taǵaiyndaldy.
Ol AQSh-taǵy Embry-Riddle aeroǵarysh ýniversitetin «Aeronavtika» mamandyǵy boiynsha bitirgen jáne azamattyq aviatsiia salasynda 40 jyldan astam tájiribege ie.
Eńbek jolyn AQSh-tyń azamattyq aviatsiia federaldyq basqarmasynda bastaǵan. Ártúrli jyldary ushý paidalaný inspektory, áýe kemelerin sertifikattaý jónindegi maman, ushý qaýipsizdigi qyzmetiniń jetekshisi jáne halyqaralyq baǵdarlamalar men saiasat boiynsha aǵa menedjer qyzmetterin atqarǵan.
Sondai-aq Frankfýrt, Niý-Iork, Vashington qalalaryndaǵy halyqaralyq keńselerde jumys istegen. 2006–2009 jyldary Singapýr men Beijińdegi halyqaralyq keńselerdi basqaryp, sheteldik jóndeý stantsiialaryna baqylaý júrgizgen jáne qaýipsizdik aýditterin uiymdastyrǵan.
Ár jyldary halyqaralyq bastamalardy basqarǵan, APEC aiasyndaǵy kólik jáne aviatsiia qaýipsizdigi boiynsha jumys toptaryna qatysqan, sondai-aq Halyqaralyq azamattyq aviatsiia uiymymen yntymaqtastyq ornatqan.
Maikl Deniel ushý qaýipsizdigi, áýe kompaniialardy sertifikattaý jáne memlekettik baqylaý júielerin damytý baǵytynda úlken halyqaralyq tájiribege ie.
Jańa basshynyń negizgi mindetteriniń biri – Qazaqstannan AQSh-qa tikelei áýe reisterin ashý.
