Almatyda aýyr qylmystarǵa qatysy bar qylmystyq toptyń joly kesildi, dep habarlaidy dalanews.kz.
8 mamyrda politsiia qyzmetkerleri 10 adamnan turatyn qylmystyq top múshelerin ustady. Olardyń qatarynda buryn sottalǵan qylmystyq orta ókilderi de bar. Kúdiktiler megapolis aýmaǵynda jasalǵan birqatar aýyr jáne asa aýyr qylmysqa, sonyń ishinde qarý qoldanylǵan buzaqylyq, bopsalaý, densaýlyqqa aýyr ziian keltirý, sondai-aq, qarý-jaraq pen ózge de tyiym salynǵan zattardyń zańsyz ainalymyna qatysy bar degen kúdikke ilindi.
"21 sanktsiialanǵan tintý júrgizildi. Zańsyz ainalymnan qoǵamdyq qaýipsizdikke qaýip tóndiretin edáýir kólemdegi qarý-jaraq pen ózge de zattar tárkilendi. Mysaly, kúdiktilerdiń biriniń turǵylyqty jerinen birneshe atys qarýy jáne travmatikalyq qarý, onyń ishinde kesilgen myltyqtar men oq-dárileri bar Kalashnikov avtomaty tabyldy. Bul qarý Qańtar oqiǵasy kezinde Jambyl oblysy Politsiia departamentinen urlanǵan. Kúdiktilerdiń barlyǵy ýaqytsha ustaý izoliatoryna qamaldy. Sot qamaýda ustaý túrindegi bultartpaý sharasyn sanktsiialady", - dedi IIM uiymdasqan qylmysqa qarsy kúres departamentiniń ókili Qýandyq Alpys.
