Ivan Ilnitskii Taraz jurtshylyǵyna «Vania-aǵai» degen atpen jaqsy tanys. Ol búgingi tańda Qazaqstan ulttyq quramasynda óner kórsetip júrgen birqatar tanymal fýtbolshylardy tárbielep shyǵarǵan bilikti bapker. Onyń shákirtteri arasynda Baýyrjan Islamhan, Muhamedjan Seisen, Bahtiior Zainýtdinov syndy elge belgili oiynshylar bar, dep habarlaidy Dalanews.kz
Ýkrain KSR-de dúniege kelgen Ivan Ilnitskii jastaiynan Qazaqstan jerinde ósip-óndi. Fýtbolǵa degen erekshe yqylasy Birlesý-Eńbek aýylynda oiandy. Sol jerde ol balalarǵa alǵashqy jattyǵýlaryn ótkizip, tipti fýtbol qaqpalaryn da óz qolymen jasap ornatqan. Bul qaqpalar áli kúnge deiin qoldanysta.
Jattyqtyrýshy talanty bar balalardy qala aýlasy men shaǵynaýdandardan izdep taýyp, olardyń otbasylarymen tyǵyz qarym-qatynas ornatýymen erekshelenedi. Áleýmettik jaǵdaiy tómen jáne kópbalaly otbasylardyń balalaryna jattyǵýlarǵa tegin qatysýǵa múmkindik bergen.
Ivan Ilnitskii qazaq tilin erkin meńgergen jáne barlyq jattyǵýlardy qaǵidatty túrde qazaq tilinde ótkizedi. Onyń aitýynsha, bul — balalarǵa, sondai-aq ózi qyzmet etip júrgen ortaǵa degen shynaiy qurmettiń kórinisi.
