"Aýyl" partiiasy veterinariia júiesin jańa tsifrlyq platformaǵa jedel aýystyrýdy jaqtaidy
«Aýyl» halyqtyq-demokratiialyq patriottyq partiiasy 2023 jyldyń 25 aqpanynda Aqmola oblysy Aqkól aýylynda veterinariialyq qyzmetkerler men sharýashylyq basshylary arasynda ótkizilgen sailaý aldyndaǵy úgit-nasihat barysynda QR AShM veterinariialyq baqylaý jáne qadaǵalaý Komitetiniń tapsyrmasy boiynsha Qazaq veterinariialyq ǵylymi-zertteý institýty ázirlegen «Mal derek» jańa tsifrlyq platformasyn qoldai otyryp, veterinariia júiesin jedel tsifrlandyrýdy jaqtady, – dep habarlaidy Dalanews.kz.
Partiia tóraǵasy Áli Bektaev óz sózinde mal sharýashylyǵyn damytýda, eldiń azyq-túlik qaýipsizdigin qamtamasyz etýde, aýyl sharýashylyǵynyń eksporttyq áleýetin arttyrýda veterinariia júiesiniń mańyzdylyǵyn atap ótip, partiia músheleriniń bul iske belsendi qatysýyna erekshe nazar aýdardy. Ol sondai-aq búginde búkil órkenietti álem tsifrlyq tehnologiialar múmkindikterin barynsha paidalana otyryp damyp kele jatqanyn atap ótti jáne partiianyń aýyl sharýashylyǵynda, onyń ishinde veterinariiada tsifrlandyrýdyń aldyńǵy qatarynda bolýǵa degen umtylysyn atap kórsetti.
Sharada sóz sóilegen QR Parlamenti Májilisiniń depýtattyǵyna kandidat Rabiǵa Toqseiitova men Anas Baqqojaev veterinariia júiesin damytýdy, ony zamanaýi jumys ádisterine aýystyrýdy, veterinarlyq mamandar bedelin arttyrýdy, oǵan jastardyń kelýi úshin jaǵdai jasaýdy jaqtady. Atalǵan salany tsifrlyq formatqa tolyq kóshirý –veterinariialyq mamandyq bedelin arttyrýdyń basty sharttarynyń biri. Spikerler partiia aýyl turǵyndarynyń bas qorǵaýshysy retinde aýyl men aýyl sharýashylyǵy máselesin sheshý jolyndaǵy kúrestiń basynda bolatynyn aitty.
