"اۋىل" پارتيياسى ۆەتەرينارييا جٷيەسٸن جاڭا تسيفرلىق پلاتفورماعا جەدەل اۋىستىرۋدى جاقتايدى
«اۋىل» حالىقتىق-دەموكراتييالىق پاتريوتتىق پارتيياسى 2023 جىلدىڭ 25 اقپانىندا اقمولا وبلىسى اقكٶل اۋىلىندا ۆەتەرينارييالىق قىزمەتكەرلەر مەن شارۋاشىلىق باسشىلارى اراسىندا ٶتكٸزٸلگەن سايلاۋ الدىنداعى ٷگٸت-ناسيحات بارىسىندا قر اشم ۆەتەرينارييالىق باقىلاۋ جەنە قاداعالاۋ كوميتەتٸنٸڭ تاپسىرماسى بويىنشا قازاق ۆەتەرينارييالىق عىلىمي-زەرتتەۋ ينستيتۋتى ەزٸرلەگەن «مال دەرەك» جاڭا تسيفرلىق پلاتفورماسىن قولداي وتىرىپ, ۆەتەرينارييا جٷيەسٸن جەدەل تسيفرلاندىرۋدى جاقتادى, – دەپ حابارلايدى Dalanews.kz.
پارتييا تٶراعاسى ەلي بەكتاەۆ ٶز سٶزٸندە مال شارۋاشىلىعىن دامىتۋدا, ەلدٸڭ ازىق-تٷلٸك قاۋٸپسٸزدٸگٸن قامتاماسىز ەتۋدە, اۋىل شارۋاشىلىعىنىڭ ەكسپورتتىق ەلەۋەتٸن ارتتىرۋدا ۆەتەرينارييا جٷيەسٸنٸڭ ماڭىزدىلىعىن اتاپ ٶتٸپ, پارتييا مٷشەلەرٸنٸڭ بۇل ٸسكە بەلسەندٸ قاتىسۋىنا ەرەكشە نازار اۋداردى. ول سونداي-اق بٷگٸندە بٷكٸل ٶركەنيەتتٸ ەلەم تسيفرلىق تەحنولوگييالار مٷمكٸندٸكتەرٸن بارىنشا پايدالانا وتىرىپ دامىپ كەلە جاتقانىن اتاپ ٶتتٸ جەنە پارتييانىڭ اۋىل شارۋاشىلىعىندا, ونىڭ ٸشٸندە ۆەتەرينارييادا تسيفرلاندىرۋدىڭ الدىڭعى قاتارىندا بولۋعا دەگەن ۇمتىلىسىن اتاپ كٶرسەتتٸ.
شارادا سٶز سٶيلەگەن قر پارلامەنتٸ مەجٸلٸسٸنٸڭ دەپۋتاتتىعىنا كانديدات رابيعا توقسەيٸتوۆا مەن اناس باققوجاەۆ ۆەتەرينارييا جٷيەسٸن دامىتۋدى, ونى زاماناۋي جۇمىس ەدٸستەرٸنە اۋىستىرۋدى, ۆەتەرينارلىق ماماندار بەدەلٸن ارتتىرۋدى, وعان جاستاردىڭ كەلۋٸ ٷشٸن جاعداي جاساۋدى جاقتادى. اتالعان سالانى تسيفرلىق فورماتقا تولىق كٶشٸرۋ –ۆەتەرينارييالىق ماماندىق بەدەلٸن ارتتىرۋدىڭ باستى شارتتارىنىڭ بٸرٸ. سپيكەرلەر پارتييا اۋىل تۇرعىندارىنىڭ باس قورعاۋشىسى رەتٸندە اۋىل مەن اۋىل شارۋاشىلىعى مەسەلەسٸن شەشۋ جولىنداعى كٷرەستٸڭ باسىندا بولاتىنىن ايتتى.
