Almaty qalasy Áýezov aýdanynyń ákimi Abzal Egemberdiev áleýmettik saladaǵy jumystardyń barysy men turǵyndarǵa kórsetilip jatqan qoldaý sharalary týraly baiandady, dep habarlaidy Dalanews.kz.
– Turǵyndardy áleýmettik qorǵaý – bizdiń basty basymdyqtarymyzdyń biri. Biz kópbalaly otbasylardy, zeinetkerlerdi, múmkindigi shekteýli azamattardy, jastar men balalardy jan-jaqty qoldaýǵa tyrysamyz, – dedi aýdan ákimi Almaty óńirlik kommýnikatsiialar qyzmetiniń baspasóz konferentsiiasynda.
Aýdanda búginde 15 túrli áleýmettik qyzmet kórsetiledi.
2025 jyldyń alǵashqy bes aiynyń qorytyndysy boiynsha:
-
174 otbasy (826 adam) jalpy 61 mln teńge kóleminde ataýly áleýmettik kómek alǵan;
-
73 adamǵa turǵyn úi kómegi kórsetilgen;
-
Barlyǵy 33 myń turǵynǵa 876 mln teńge kóleminde túrli áleýmettik qoldaý kórsetilgen.
Áýezov aýdanynda 49 myń zeinetker, 4,5 myń kópbalaly otbasy jáne 9,5 myń múmkindigi shekteýli azamat (onyń ishinde 1,5 myń bala) turady.
Qazir aýdanda kelesi tórt iri áleýmettik joba tabysty júzege asyrylyp keledi:
-
«Baqytty otbasy» ortalyǵy – kópbalaly jáne az qamtylǵan otbasylarǵa qyzmet kórsetedi (21 myńnan astam adam qamtylǵan);
-
«Shyńǵa Órleý» klýbynyń úsh filialy – áleýmettik osal toptardan shyqqan 640 balaǵa qosymsha bilim beredi;
-
«Teń qoǵam» ortalyǵy – erekshe qajettilikteri bar 800-den astam azamatqa quqyqtyq, psihologiialyq jáne áleýmettik kómek usynady;
-
«Belsendi uzaq ómir» ortalyǵynyń eki bólimshesi – egde jastaǵy 60 myńnan astam turǵynǵa qoldaý kórsetedi.
Aýdan ákiminiń aitýynsha, jastar saiasaty da erekshe nazarda.
– Áýezov aýdanynda 41 myńnan astam stýdent turady. Biz jastarǵa arnalǵan keńistikterdi damytyp, olardyń áleýetin arttyrýǵa jaǵdai jasap otyrmyz, – dedi Abzal Egemberdiev.
Aýdanda 5 joǵary oqý orny men 18 kolledj jumys isteidi. Sonymen qatar, jastarǵa arnalǵan Komiýniti-ortalyq qyzmet etedi. Munda stýdentter áleýmettik, quqyqtyq jáne mádeni baǵyttaǵy kómek alyp, bos ýaqyttaryn tiimdi ótkize alady. Jyl saiyn bul ortalyqtyń qyzmetin 10 myńnan astam jas paidalanady.
Balalar men jasóspirimderdiń damýyna baǵyttalǵan «DamuBala» memlekettik baǵdarlamasy da tabysty júzege asyrylýda.
Baǵdarlama aiasynda 18 myńnan astam bala 15 sporttyq jáne 18 shyǵarmashylyq baǵyt boiynsha qamtylǵan.
2025 jyldyń basynan beri 8 683 bala qatysyp, 9 871 vaýcher paidalanyldy (sport – 4 632, shyǵarmashylyq – 5 239).
Al 27 maýsymdaǵy jaǵdai boiynsha júiede 5 384 bala tirkelip, 5 604 vaýcher rásimdelgen.
Sonymen qatar, «Fare Face» baǵdarlamasy boiynsha 1 516 bala qamtylǵan, bul jalpy qatysýshylardyń 27 paiyzyn quraidy.
Aýdan ákiminiń aitýynsha, aldaǵy jyly da bul baǵyttaǵy jumystar keńeiip, balalar men jastardy damytýǵa arnalǵan jobalar júieli túrde jalǵasyn tabady.
