الماتى قالاسى اۋەزوۆ اۋدانىنىڭ اكىمى ابزال ەگەمبەردييەۆ الەۋمەتتىك سالاداعى جۇمىستاردىڭ بارىسى مەن تۇرعىندارعا كورسەتىلىپ جاتقان قولداۋ شارالارى تۋرالى باياندادى، دەپ حابارلايدى Dalanews.kz.

– تۇرعىنداردى الەۋمەتتىك قورعاۋ – ءبىزدىڭ باستى باسىمدىقتارىمىزدىڭ ءبىرى. ءبىز كوپبالالى وتباسىلاردى، زەينەتكەرلەردى، مۇمكىندىگى شەكتەۋلى ازاماتتاردى، جاستار مەن بالالاردى جان-جاقتى قولداۋعا تىرىسامىز، – دەدى اۋدان اكىمى الماتى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا.

اۋداندا بۇگىندە 15 ءتۇرلى الەۋمەتتىك قىزمەت كورسەتىلەدى.

2025 جىلدىڭ العاشقى بەس ايىنىڭ قورىتىندىسى بويىنشا:

• 174 وتباسى (826 ادام) جالپى 61 ملن تەڭگە كولەمىندە اتاۋلى الەۋمەتتىك كومەك العان؛

• 73 ادامعا تۇرعىن ءۇي كومەگى كورسەتىلگەن؛

• بارلىعى 33 مىڭ تۇرعىنعا 876 ملن تەڭگە كولەمىندە ءتۇرلى الەۋمەتتىك قولداۋ كورسەتىلگەن.

اۋەزوۆ اۋدانىندا 49 مىڭ زەينەتكەر، 4،5 مىڭ كوپبالالى وتباسى جانە 9،5 مىڭ مۇمكىندىگى شەكتەۋلى ازامات (ونىڭ ىشىندە 1،5 مىڭ بالا) تۇرادى.

ءقازىر اۋداندا كەلەسى ءتورت ءىرى الەۋمەتتىك جوبا تابىستى جۇزەگە اسىرىلىپ كەلەدى:

• «باقىتتى وتباسى» ورتالىعى – كوپبالالى جانە از قامتىلعان وتباسىلارعا قىزمەت كورسەتەدى (21 مىڭنان استام ادام قامتىلعان)؛

• «شىڭعا ورلەۋ» كلۋبىنىڭ ءۇش فيليالى – الەۋمەتتىك وسال توپتاردان شىققان 640 بالاعا قوسىمشا ءبىلىم بەرەدى؛

• «تەڭ قوعام» ورتالىعى – ەرەكشە قاجەتتىلىكتەرى بار 800-دەن استام ازاماتقا قۇقىقتىق، پسيحولوگيالىق جانە الەۋمەتتىك كومەك ۇسىنادى؛

• «بەلسەندى ۇزاق ءومىر» ورتالىعىنىڭ ەكى بولىمشەسى – ەگدە جاستاعى 60 مىڭنان استام تۇرعىنعا قولداۋ كورسەتەدى.

اۋدان اكىمىنىڭ ايتۋىنشا، جاستار ساياساتى دا ەرەكشە نازاردا.

– اۋەزوۆ اۋدانىندا 41 مىڭنان استام ستۋدەنت تۇرادى. ءبىز جاستارعا ارنالعان كەڭىستىكتەردى دامىتىپ، ولاردىڭ الەۋەتىن ارتتىرۋعا جاعداي جاساپ وتىرمىز، – دەدى ابزال ەگەمبەردييەۆ.

اۋداندا 5 جوعارى وقۋ ورنى مەن 18 كوللەدج جۇمىس ىستەيدى. سونىمەن قاتار، جاستارعا ارنالعان كوميۋنيتي-ورتالىق قىزمەت ەتەدى. مۇندا ستۋدەنتتەر الەۋمەتتىك، قۇقىقتىق جانە مادەني باعىتتاعى كومەك الىپ، بوس ۋاقىتتارىن ءتيىمدى وتكىزە الادى. جىل سايىن بۇل ورتالىقتىڭ قىزمەتىن 10 مىڭنان استام جاس پايدالانادى.

بالالار مەن جاسوسپىرىمدەردىڭ دامۋىنا باعىتتالعان «DamuBala» مەملەكەتتىك باعدارلاماسى دا تابىستى جۇزەگە اسىرىلۋدا.

باعدارلاما اياسىندا 18 مىڭنان استام بالا 15 سپورتتىق جانە 18 شىعارماشىلىق باعىت بويىنشا قامتىلعان.

2025 جىلدىڭ باسىنان بەرى 8 683 بالا قاتىسىپ، 9 871 ۆاۋچەر پايدالانىلدى (سپورت – 4 632، شىعارماشىلىق – 5 239).

ال 27 ماۋسىمداعى جاعداي بويىنشا جۇيەدە 5 384 بالا تىركەلىپ، 5 604 ۆاۋچەر راسىمدەلگەن.

سونىمەن قاتار، «Fare Face» باعدارلاماسى بويىنشا 1 516 بالا قامتىلعان، بۇل جالپى قاتىسۋشىلاردىڭ 27 پايىزىن قۇرايدى.

اۋدان اكىمىنىڭ ايتۋىنشا، الداعى جىلى دا بۇل باعىتتاعى جۇمىستار كەڭەيىپ، بالالار مەن جاستاردى دامىتۋعا ارنالعان جوبالار جۇيەلى تۇردە جالعاسىن تابادى.