Vedomstvo málimetinshe, 11 jeltoqsanda saǵat 19.45 shamasynda Munaily aýdanynyń politsiia bólimine Munaily aýdanynda ózdiginen asylyp qalǵan belgileri bar 4 máiit tabyldy degen habarlama kelip túsken.
Bul shaqyrýǵa jedel-tergeý toby barǵan. Ózdiginen asylyp ólgen 38 jastaǵy er adam, sondai-aq, 8 jastaǵy, 4 jastaǵy jáne 10 ailyq balalar anyqtalǵan.
Tekseris barysynda B. esimdi azamat jibergen aýdiojazba anyqtalǵan. Ol jubaiy D. esimdi áielge óletinin jáne balalaryn ózimen birge alyp ketetinin aitqan.
Bul oqiǵa otbasylyq janjal negizinde bolǵany jáne olardyń ajyrasqaly jatqany belgili boldy. Erli-zaiyptynyń ekeýiniń de turaqty jumys oryndary bolǵan.
Bul derek QR Qylmystyq kodeksiniń 99-baby 2-bóligi boiynsha Munaily aýdanynyń PB sotaldy tergep-tekserýdiń biryńǵai tizilimine tirkelgen.
Tergeý múddesi úshin ózge aqparat jariia etilmeitini habarlandy.
https://dalanews.kz/kogam/84784-tauelsizdik-kuni-qarsangynda-zhastar
https://dalanews.kz/aimak/84061-almatyga-quyylgan-investiciianyng-70-pay
https://dalanews.kz/aimak/84272-petropavlga-60-qa-zhuyq-beynebaqylau-kam
