ۆەدومستۆو مالىمەتىنشە، 11 جەلتوقساندا ساعات 19.45 شاماسىندا مۇنايلى اۋدانىنىڭ پوليسيا بولىمىنە مۇنايلى اۋدانىندا وزدىگىنەن اسىلىپ قالعان بەلگىلەرى بار 4 ءمايىت تابىلدى دەگەن حابارلاما كەلىپ تۇسكەن.
بۇل شاقىرۋعا جەدەل-تەرگەۋ توبى بارعان. وزدىگىنەن اسىلىپ ولگەن 38 جاستاعى ەر ادام، سونداي-اق، 8 جاستاعى، 4 جاستاعى جانە 10 ايلىق بالالار انىقتالعان.
تەكسەرىس بارىسىندا ب. ەسىمدى ازامات جىبەرگەن اۋديوجازبا انىقتالعان. ول جۇبايى د. ەسىمدى ايەلگە ولەتىنىن جانە بالالارىن وزىمەن بىرگە الىپ كەتەتىنىن ايتقان.
بۇل وقيعا وتباسىلىق جانجال نەگىزىندە بولعانى جانە ولاردىڭ اجىراسقالى جاتقانى بەلگىلى بولدى. ەرلى-زايىپتىنىڭ ەكەۋىنىڭ دە تۇراقتى جۇمىس ورىندارى بولعان.
بۇل دەرەك ق ر قىلمىستىق كودەكسىنىڭ 99-بابى 2-بولىگى بويىنشا مۇنايلى اۋدانىنىڭ پب سوتالدى تەرگەپ-تەكسەرۋدىڭ ءبىرىڭعاي تىزىلىمىنە تىركەلگەن.
تەرگەۋ مۇددەسى ءۇشىن وزگە اقپارات جاريا ەتىلمەيتىنى حابارلاندى.
https://dalanews.kz/kogam/84784-tauelsizdik-kuni-qarsangynda-zhastar
https://dalanews.kz/aimak/84061-almatyga-quyylgan-investiciianyng-70-pay
https://dalanews.kz/aimak/84272-petropavlga-60-qa-zhuyq-beynebaqylau-kam
