جىلجىمايتىن مٷلٸك پەن جەر تەلٸمدەرٸنٸڭ يەلەرٸ 2025 جىلعا ەسەپتەلگەن مٷلٸك سالىعىن 1 قازانعا دەيٸن ٶتەۋگە مٸندەتتٸ, دەپ حابارلايدى dalanews.kz.
تٶلەمدٸ ەكٸنشٸ دەڭگەيلٸ بانكتەردٸڭ موبيلدٸ قوسىمشالارى, بانكوماتتار مەن تەرمينالدار ارقىلى جٷرگٸزۋگە بولادى. سونداي-اق بانك بٶلٸمشەلەرٸنٸڭ كاسسالارىندا قولما-قول تٶلەۋ مٷمكٸندٸگٸ قاراستىرىلعان. بەرەشەك سوماسى بانك قوسىمشالارىنداعى تيٸستٸ بٶلٸمدە كٶرسەتٸلەدٸ.
سالىقتى بەلگٸلەنگەن مەرزٸمدە تٶلەمەگەن ازاماتتارعا 2 قازاننان باستاپ بەرەشەك تۋرالى حابارلاما جٸبەرٸلەدٸ. ودان كەيٸنگٸ 30 جۇمىس كٷنٸ ٸشٸندە قارىز ٶتەلمەسە, سالىق بۇيرىعى رەسٸمدەلەدٸ. قۇجاتتىڭ تالاپتارى بەس كٷن ٸشٸندە ورىندالماعان جاعدايدا, بەرەشەكتٸ ٶندٸرٸپ الۋ جەكە سوت ورىنداۋشىلارىنا جٷكتەلەدٸ.
