Óskemen qalasynda áleýmettik nysandarǵa jylý berile bastady,- dep habarlaidy Dalanews.kz
Qala turǵyndary úilerine jylý berilmei kele jatqanyna narazylyq bildirgen edi. Al sinoptikter bolsa, aldaǵy kúnderi aýa raiy salqyn ári jaýyndy bolatyndyǵyn boljady.
Osyǵan bailanysty Óskemende jylytý maýsymy josparlanǵan ýaqyttan erterek bastalatyn boldy. Bul týraly qala ákimdigi málimdedi.
— 1 qazannan bastap kópqabatty turǵyn úilerge jylý beriledi. Al mektepterde, balabaqshalarda, meditsinalyq mekemelerde jáne basqa da áleýmettik nysandarda jylý berý jumystary qazirdiń ózinde bastalyp ketti. Aýa raiynyń salqyndaýyna bailanysty jáne turǵyndar úshin qolaily jaǵdai jasaý maqsatynda jylytý maýsymyn erte bastaý týraly sheshim qabyldanyp otyr, — delingen habarlamada.
