وسكەمەن قالاسىندا الەۋمەتتىك نىساندارعا جىلۋ بەرىلە باستادى،- دەپ حابارلايدى Dalanews.kz
قالا تۇرعىندارى ۇيلەرىنە جىلۋ بەرىلمەي كەلە جاتقانىنا نارازىلىق بىلدىرگەن ەدى. ال سينوپتيكتەر بولسا، الداعى كۇندەرى اۋا رايى سالقىن ءارى جاۋىندى بولاتىندىعىن بولجادى.
وسىعان بايلانىستى وسكەمەندە جىلىتۋ ماۋسىمى جوسپارلانعان ۋاقىتتان ەرتەرەك باستالاتىن بولدى. بۇل تۋرالى قالا اكىمدىگى مالىمدەدى.
— 1 قازاننان باستاپ كوپقاباتتى تۇرعىن ۇيلەرگە جىلۋ بەرىلەدى. ال مەكتەپتەردە، بالاباقشالاردا، مەديسينالىق مەكەمەلەردە جانە باسقا دا الەۋمەتتىك نىسانداردا جىلۋ بەرۋ جۇمىستارى ءقازىردىڭ وزىندە باستالىپ كەتتى. اۋا رايىنىڭ سالقىنداۋىنا بايلانىستى جانە تۇرعىندار ءۇشىن قولايلى جاعداي جاساۋ ماقساتىندا جىلىتۋ ماۋسىمىن ەرتە باستاۋ تۋرالى شەشىم قابىلدانىپ وتىر، — دەلىنگەن حابارلامادا.
